Moon - Луна 2112

Bir az paradoksal vəziyyətə düşdüm (bu məndə çox tez-tez olur). Moon filmini izlədikdən sonra hiss etdiyim hissləri əsasən Kristofer Nolan filmlərində hiss etmişəm. Filmi izlədikdən sonra “Filmi bəlkə elə o çəkib” deyə düşünməyə bilmədim. Paradoks isə ondadı ki, film haqqında həm çoxlu danışmaq (indiki vəziyyətdə yazmaq) istəyirəm həm də ağlıma bir şey gəlmir. Gələnlər isə bunlardır:

Filmin şüarı: Gələcəyin əks tərəfi (Обратная сторона будущего): Hadisələr Ayda baş verir. Deməli insanlar dünyanı korlayıb korlayıb, Aya da gedib çıxıblar. İnsan nəyi korlaya bilməyib ki? Hər şeyi korlayıb. Özünü də. Bir tək ölümü korlaya bilməyib ki, o da heç bir elmi təhlilə tabe olmur. Yaxşı ki, insan hər şeyi bacara bilmir. Qoy heç vaxt bacara bilməsin. Bu təhlükəlidir. Elə film də məhz bunu göstərir bizə. Gələcəkdə insan bu gün bacara bilmədiklərini edə biləcəksə hansı nəticələri olacaq. Əsasən də insan adlanan canlı üçün. Və bir sual verim: gələcəyin o birisi üzü budur? Hakimiyyət insanlarla belə davranacaq? Bu cəhənnəmdən də betərdir əzizlərim!!

Klon: Bu mövzu olduqca geniş, müzakirəyə açıq həm elmi həm də sosial mövzudur. Filmdə bu çox əla, çox gözəl formada öz əksini tapıb və fantastika sevənlərə məsləhət görürəm. Hər şeyi bura yazmaq istəmirəm. Əsas vəzifəm qısaca məlumat verməkdir. Filmə marağınız yarandısa, fantastik dramanı izləyin. Belə mövzuları sevənlər filmi izləyib peşman olmazlar məncə.

Aktoyr performansı: Bir sözlə super

Uğurlar. 

Xoşuna gəldisə əsas səhifəyə keç və digər yazılarımı oxu: Əsas səhifə