Bill Gates: Biznes yolu - Des Dearlove

Bill Gates. Məhz o kompüterlər üçün proqram yazmağı dəbli formaya saldı. Məhz o, prespektivi proqram təminatında gördü. Microsoft və onun rəqibi Apple bunu əslində birgə etdilər və tələbələr, şagirdlər proqramist olmaq üçün səbirsizlənməyə başladılar.

Bill Gates çox qəddar rəqib, çox güclü alim, həmişə planlaşdırılan nəticələri verən strategiyaları hazırlayan strateq, kommersiya instikti olan, tez-tez əsəb böhranı olan şəxsiyyətdir. Məhz o birinci intelektual əmlak kapitalisti, tarixə adı yazılan və tarixin axışını dəyişdirən insandır.

Biz artıq yeni erada yaşayarıq.

Bu kitab mənim üçün ən yadda qalan kitablardan oldu. Sizə onu deyim ki, çox yox orta hesabla 10 ədəd belə kitab oxumaqla bəlkə də siz 4 il ərzində “bəzi” universitet və fakültələrin verə biləcəyi təhsildən çox şey öyrənə bilərsiz. Faydalı və dəyərli kitabdır.

Kitab Microsoftun qurulma anından bu gününə qədər olan ömrünü bizə qısaca təsvir edir. Amma bununla kifayətlənmir. Bill Gatesin uğur sirrlərini, Microsoftun uğurlarını bizə açıqlayır. Aydındı ki, bunu heç bir yazıçı, tətdiqatçı tam bacara bilməyəcək. Çünki açıq-aşkar olmayan şeylər var...

Kitabda nələrə toxunulur?

·        Bill Gatesin Microsoftu qurmasından əvvəl və sonrakı ümumi həyatı və davranışları.

·        Microsoft necə uğur qazandı?

·        İBM və Microsoftun əlaqələri necə olub?

·   Bill Gates innovatordu yoxsa oğru? (araşdırmalar göstərir ki, o innovator deyil. Cəledici ideyaları, kəşfləri pulnan almış və hətta bəzi iddialara görə oğurlamışdır).

·      Microsoft işə qəbul zamanı nələrə diqqət edir? (Yüksək İQ)

·        İşçilər hansı formada maaş alırlar?: Müəyyən pul miqdarı + şirkət səhmləri və bu bir çox Microsoft işçilərini milyoner, multimilyonçu və milyarder etmişdir (milyarder sayı ikidir).

·        Microsoftun təşkilati mədəniyyəti və davranışları necədir?

·        Bill Gatesin şəxsiyyəti necədir?

·      Bu gün çox müzakirə olunan öyrənən təşkilatlar, know-how, know-who, intelektual kapital və onun növləri, Microsoftun və şəxsən Bill Gatesin uğur sirləri nədir?

·  Gates idarəetmə strukturunu necə formalaşdırıb? Bayt miqyasında biznes qurmaq nə deməkdir? Onun əsas idarəetmə fəlsəfəsi: böl və hakimlik et! (Bu fəlsəfə SSSR-də də istifadə olunurdu)

Uğur qazanmaq özü ilə bərabər məğlub olmaq potensialını da gətirir. Microsoft, Bill Gates sayəsində hər zaman məğlub olmaq hissi ilə yaşadı və heç vaxt çalışmağı dayandırmadı. Gördüyümüz kimi bunda çox vacib dərs çıxır: Uğura məğlub olmamalıyıq.

Kitabı rusca yüklə

Bəyəndinsə əsas səhifəyə keç və digər yazılarımı da oxu: Əsas səhifə