Contact
Kinematoqrafiya bizə yerdənkənar şüur ilə əlaqədar çox filmlər təqdim
edib. Bu filmləri iki böyük qrupda dəyərləndirmək olar:
1) Gəlmələr bizə qarşı pis niyyətlidirlər. Onlar bizi ya məhv etmək ya
da istismar etmək istəyirlər. Məsələn Müstəqillik günü (День независимости),
Skyline və Dünyaların müharibəsi (Война миров) filmləri buna klassik nümunədir.
2) Gəlmələr bizə qarşı xoş niyyətlidirlər və bizimlə ünsiyyət saxlamaq
istəyirlər. Nümunə olaraq Üçüncü növlə yaxın əlaqələr (Близкие контакты третьей
степени) və E.T filmləridir.
Bu film isə bizə tamam fərqli yanaşma tərzini təqdim edir. Gəlmələr nə
bura gəlir nə də biz kosmosun ənginliklərini ələk-vələk edirik. Onlar pis niyyətli
deyillər. Onlar bizə, yerdə olan radio rəsədxanaların köməkliyi ilə, onlara da nə
vaxtsa daha yüksək, ali şüur tərəfindən verilən zəruri bilikləri təqdim edirlər
və biz də ondan istifadə edərək onlarla görüşürük. Əlbəttə filmə həvəs göstərənlər
istərdim ki, izləsinlər. Ona görə də filmdə bu məlumatların bizə necə
verildiyini yazımda təsvrir etmək istəmirəm.
Cudi Foster baş roldadır və deyərdim ki, performansı idealdır. O, ən
müxtəlif emosional vəziyyətlərə düşməyi çox gözəl ifa edib. Dəfələrlə
haqsızlığa məruz qalan alim, kainatın sirlərini öyrənmək istəyən insan və seçim
edə bilməyən aşiq rolunu çox gözəl ifa edib. Bravo. Bravo.
Robert Zemeiks isə, filmin rejissoru, xüsusi film effektlərini çox
ustalıqla istifadə edərək, bu janrda film çəkməyə xüsusi istedanının olduğunu
göstərdi. Çoxlarından fərqli olaraq bu rejissorda “speçeffektlər”, izləyicini
filmin əsas motivlərindən uzaqlaşdırmayacaq fondur, vasitədir. Bəzi filmlərdə
isə xüsusi effektlərdən başqa heç nə olmur ki, bu da beyin yuma (brain washing)
prosesidir.
Film səsimizin bu kainatda necə də zəif olduğunu göstərən səhnə ilə
başlayır və elm və dinin əslində eyni yolda irəlilədiklərini (bununla müəyyən qədər
razıyam müəyyən qədər də yox) göstərən epizodla da sona çatır.
Kainatda
yalnızıqmı?
Digər yazılarımı oxumaq üçün: Əsas səhifə
Comments
Post a Comment