Deadfall - Черный дрозд
Süjet: Bacı-qardaş olan Edisson və Liza, kazinodan
oğurladıqları ilə birlikdə qaçışdadırlar. İşlər heç yaxşı getmir və onlar qəzaya
düşürlər. Buna paralel olaraq eks-boksyor Cey (Jay) həbsxanadan çıxıb valideynləri
ilə, şükranlıq günü üçün görüşə gəlməyə çalışır. Digər tərəfdə isə polislər
bundan xəbər tuturlar və axtarışlara başlayırlar. Bəs yaxşı onların dünyası kəsişəndə
nə baş verəcək?
Psixoloji müşahidələrim: Filmdəki qardaş və bacı arasında çox qəribə münasibətlər var. İzləyici
tam olaraq bunu başa düşə bilmir. Bu münasibətlərin kökü uşaqlığa gedib çıxır. Qızın
belə bir sitatını isə unuda bilmirəm: «Mənim qardaşım şeyatının özünü öldürdü».
Bu çox güman ki, onların atalarıdır hansı ki, böyük ehtimalla qız ata tərəfindən
zorlanırmış Qardaşı isə buna dözməyib onu öldürmüşdür. Edissonun insan olaraq
hansı şəxsiyyətə malik olmasını müəyyənləşdirmək çətindir. Belə ki, o, özü bunu
gizlədir. Onu deyə bilərəm ki, o, heç nədən qorxmayan, psixopat birisi kimi
görsəndi mənə. Cey və atası arasında olan münasibətlər isə tamamilə normal
küsülülük, inciklik və atanın oğlun səhvini dəfələrlə üzünə vurmasıdır.
Obrazlararası münasibətlər gördüyümüz kimi zəngindir. Rejissorun uğurudur ki,
bu qədər motivi bir yerə sığışdırıb.
Aktyorlar: Eric
Bana, Olivia Wilde, Charlie Hunnam, Kris Kristofferson, Kate Mara və Treat
Williams iştirak edir. Bütün bu aktyorlar kinematoqrafiyada öz sözlərin demiş
aktyorlardır. Eric Bana ilə ilk dəfə tanış olsam da, Tron Legacy və İn Time
filmlərindən Olivia Wilde-ı tanıyırdım.
Minuslar: Rejissor Ştefan Ruçoviçki (Штефан Руцовицки) əlindən gələni edib ki,
film ortadan bir az yuxarı alınsın. Filmin minusları var, amma həm aktyor
performansı həm də olduqca yadda qalan, təsirli, ekşn (action) epizodlar bəzi səhvləri
və süjet zəifliyini unutdurur. Məsələn Eddisonun barmağı kəsilir, ayağında güllə
yarası alır, amma lazımi dərəcədə əzab çəkmir. Bu digər obrazlara da aiddir. Bəlkə
də əslində belə daha yaxşıdır, amma yenə də bu başlıq altında deyilməli nüanslardır.
Comments
Post a Comment