Federiko Andaxazi - Şəfqətlilər - Федерико Андахази - Милосердные


 Fereriko Andaxazinin «Anatom» əsərini oxumuşam. Başqa sözlə, yazıçının ülubuna bələdəm. Təəssürat cəhətdən isə, yadımda qalan həm orijinal ideya həm də romanın dilidir. Hətta ideyadan da çox əsas, məncə, dil, «Anatom» əsərini tanıtdıra bildi. Sadəcə Federiko, bir az «dəcəl» yazıçıdır. O, əsasən +18 motivlərə üstünlük verir. Nəticələri isə kifayət qədər uğurlu alınır, mükafatlara layiq görülür və polemikalara səbəb olur. Müasir yazıçılar arasında, həqiqətən də sayılan, seçilən yazıçılardandır. Üslub etibariylə, qat-qat üstün olsa da, müəyyən mənada Andaxaziyə yaxın olan yazıçı Patrik Züskinddir (Andaxazi Züskinddən üstündür). Sadəcə yazıçının mənfi cəhətlərindən onu deyərdim ki, yazıçı ortaya ideya qoyub ətrafına çox söz yığır. Əlbəttə bunu pis və təcrübəsiz formada etmir, amma yenə də söz oyunu ki söz oyunu. Çox vaxt bunu sevmirəm. Böyüklər üçün nəzərdə tutulan horror, ujas, erotik və psixolojik  janra aid edilən bu kitab, yazıçının ikinci yaradıcıllıq nümunəsidir.

Süjet: 1816-cı ildə Cenevrə gölünün sahilində yerləşən Diodatiyə bir neçə nəfər gəldi: Lord Bayron, Meri Şelli, Persi, Kler və Bayronun katibi Con Polidori. Polidori heç ağlından da keçirmirdi ki, onun təvazökar şəxsiyyəti ətrafında, onu və ümumi dünya ədəbiyyatını dəyişdirəcək hadisələr baş verəcək. Polidorinin məşhurlaşmaq, hətta Lord Bayronu da ötüb keçmək istəyi onu rahat buraxmır və tale ona şans verir.
Əsər haqqında nə düşünürəm?: Süjetdən də gördüyümüz kimi, kitabda Bayron İngiltərə poetik-romantizminin banisi, böyük tarixi şəxsiyyət, Şelli, şairlən məktəbinin rəhbəri, Meri Qodvin isə, Frenkinşteyn kimi fantastik əsərin müəllifi. Gördüyümüz kimi dövrünün dahilərindən söhbət gedir. Andaxazinin üslubunda məşhur insanlardan və bəzi ideyaları istifadə etməklə skandal məşhurluq qazanmaq var. Buna birinci dəfə deyil ki, şahid oldum. İdeya baxımından əsərdə istifadə olunan +18 motivlər bəlkə də başqa kitablarda yoxdur, amma iyrənc və absurddur deyə bilərəm. «Tərbiyəli insanlar» bu kitabı oxumasalar yaxşı olar.
Bu əsərin bir faydası və əhəmiyyəti yoxdur. Buna baxmayaraq Andaxazinin yazı üslubu və əsərdəki bəzi psixolojik məqamlar, yekun nəticədə itkidə qalmadığımı göstərdi. Andaxazinin xüsusiylə məkan təsvirlərində çox uğurlu olduğunu gördüm. Öz-özlüyündə bu diqqətə layiqdir. Romanın mənfi cəhətlərin, bəyənmədiyim xüsusiyyətlərindən çox yazmaq olar, amma belə bir əsər üçün bu dəyməz. Buna baxmayaraq Federiko Andaxazini hələ də Anatom əsərinə görə bəyənirəm. 
P.S. Con Polidorinin yazdığı The Vampyre əsəri vampirlərlə əlaqədar yazılmış ilk yaradıcıllıq nümunəsi hesab olunur. Daha sonra Brem Stoker öz Qraf Drakulası ilə bu janrın zirvəsini fəth etmişdir. Kitabda da bunun necə baş verdiyi təsvir olunub. Əlbəttə ki, roman real hadisələrə əsaslanmır. 
P.S. - 2. Əsərin adının niyə belə olduğunu oxuyanlar və oxuyacaq olanlar bəlkə də başa düşəcəklər. 

Şəfqətlilər kitabını oxu/yüklə: buradan

Comments