The Dark Knight Rises

Gotham Bəyaz Cəngavərini itirmiş və Qara Cəngavəri qovmuşdur...

Süjet: Harvey Dentin cinayətlərini üstlənərək, reputasiyası pozulmuş Dark Knight, Banenin terroru ilə mübarizə aparmaq üçün şəhər polisinə köməklik etməkdə müşkülə düşmüşdür. Harvey Dentin cinayətlərinin üstlənməsi, Batmani meydandan qaçmağa məcbur etdi. O, komisar Gordonla  düşündü ki,  belə daha yaxşı olacaq. Buna baxmayaraq, Banenin terroru onu improvizə olunmuş sürgündən geri dönməyə məcbur etdi. Sifəti maskalı Bane güclüdür, amma hiyləgər Pişik-qadının köməkliyi ilə ssenari dəyişə bilər.

Təhlil: Əlbəttə, prinsipli Kristofer Nolanın bu triologiyası bizə günümüzün müasir kino sənayəsindən fərqli mənzərəni təqdim edir. Dark Knight Rises həqiqətən də epik macera oldu. Birinci dəfədir ki, Batmana qarşı özündən fiziki güclü düşmən meydana çıxır. Elə bu məqam filmi maraqlı edən nüanslardandır. Çoxları sual verirdilər ki, görəsən Nolan Batmanin üçüncü hissəsini bir öncəkindən yaxşı çəkə biləcəkmi? Məncə, bu belə olmasa da, Nolanın triologiyası bütün zamanların ən yaxşı super qəhrəman triologiyası oldu. Bu üç film bizə göstərdi ki, əslində super qəhrəman olmaq necə də çətin bir şeydi. Bu böyük məsuliyyət və strategiyadır.

Aktyor heyəti: Aktyor heyəti diqqətəlayiqdir. Əvvəlki epizodlara nisbətən bu filmdə daha da çox tanınmış aktyorlar var. Kristian Balein və əvvəlki epizodlarda da iştirak etmiş digər aktyorların müşayətinə Anne Hathaway, Joseph Gordon-Levitt, Marion Cotillard və Tom Hardy kimi aktyorlar da qoşulub. Rejissor son üç aktyorlar İnception filmində çalışmışdır. Yaranmış hər bir yeni obraz maraqlı, həyəcanverici və özünəməxsusdur. Elə bu fakt özü-özlüyündə, müasir film dünyasında vacibdir.

Nəticə: Nəticə olaraq ortada nə var? Əlbəttə yəqin ki, «bu film Dark Knightin verdiklərini vermir» fikrini desəm birinci olmaram. Buna baxmayaraq bu epizod da möhtəşəm, genişmiqyaslı, dinamik, parlaq, dramatik, epik, həyəcanverici və emosional alınıb. Dark Knightda Joker rolunun ifaçısı Hit Ledcerə görə film  yadda qaldısa, bu film ümumi atmosferi, aktoyr heyəti və epik finalı ilə yadda qaldı. Film vaxtınıza dəyəcək və Nolan yüksək qiymətə layiqdir.

Filmi yüklə: buradan

         Batman haqqında digər yazılarım: burada