Monten - Təcrübələr

-

Kitabın rusca adı: Монтень Мишель - Опыты
Kitabın türkcə adı: Montaigne-Denemeler

Çox məşhur olan bu kitab nə romandır nə də elmi əsər. Bu əsər Montenin insan həyatını əmələ gətirən ən önəmli mövzular ətrafında bildirdiyi olduqca dəyərli fəlsəfi fikirlərdir. Həcmcə kiçik məqalələr toplusu olan bu kitabı istədiyiniz səhifədən başlayıb oxuya bilərsiniz. Məsələn mən vaxtaşırı düşündürücü bir şey oxumaq istəyəndə kitabın təsadüfi səhifəsini açıram və qarşıma çıxan başlığı oxuyub daha sonra mətninə keçirəm. Aralarında elələri də olub ki, elə bir ciddi əhəmiyyət kəsb etməyib amma ümumilikdə çox dəyərli kitabdır.
İntibah dövrünün fransız yazıçısının olduqca çətin, keşməkeşli həyatı olmuşdur. Dörd övladının hamısını daha körpə ikən itirmiş və dəhşətli böyrək sancıları içində qalasının divarları arasında can vermişdir. Bu əsər 20 ilə ərsəyə gəlmişdir və olduqca maraqlı dövrə təsadüf edir. Belə ki, 16-cı əsrin ilk başlanğıcında Lüter Papaya qarşı üsyan etmiş və nəticədə xristianlıq bölünmüşdür. Olduqca böhranlı dövrdür. 
Yazar özü bu kitabı ağlın özüylə dialoqu adlandırmışdır. Bir çox filosoflardan fərqli olaraq yazıçı insanlıq haqqında deyil ümumiyyətlə öz təcrübələrindən, düşüncələrindən yazmışdır. Bu kitabla ədəbiyyata da öz növbəsində yeni nəfəs gətirilmişdir. Bu əsərdə Montaigne özünü əsas alaraq, özü də dediyi kimi məqsədi insanlıq haqqında deyil öz şəxsi təcrübələrini yazmaq olmuşdur. Dünyada ən böyük şeyin necə özünü tapmaq olduğunu deyən müəllif , öz şəxsi çatışmazlıqlarını böyük bir təvazökarlıqla bizlərə çatdırmışdır.
Sanki yazar sadəcə bu kitabı yazmaq üçün bu dünyaya gəlib getmişdir. Belə ki, yazarın başqa bir kitabı da yoxdur. Sadəcə kitab da deyil eyni zamanda başqa macerası da yoxdur. “Mən kitabı düzəltdiyim qədər, kitab da məni düzəltmişdir” deyir Monten. Yazarın atası ona ana dilindən öncə latın dilini öyrətdiyindən, yazıçının həyatında bu dil ən vacib rolu üstlənmişdir.
Bu filosofun həyatı, yaradıcıllığı haqqında olduqca çoxlu araşdırmalar var. Əlbəttə ən vacib olanı onun kitabıdır. Mən ən azından kitab haqqında məlumatı olmayanlara məlumat vermək istədim. Aşağıda əlavə linklər var. Buyurub maraqlana bilərsiz.

Əlavə məlumatlar:
Montaigne-Denemeler

Denemeler - Michel Eyquem de Montaigne 
Опыты. Полноесобрание в одном томе

Comments

  1. Anonymous30 January 2023 at 20:34

    https://niftiyevibrahim.blogspot.com/2012/12/monten-tcrublr.html

    ReplyDelete

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısıdır.
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ
Davamını oxu

Aleksandr Puşkin - Kapitan qızı

-
Image
RUS: Александр Пушкин - Капитанская дочка Dünyagörüşü normal səviyyədə olan hər bir insana Aleksandr Serqeyiviç Puşkinin kimliyi və yaradıcıllığı hələ orta məktəb illərindən bəlli olmalıdır. Hər bir insan onun dəst-xəttində ona yaxın olan şeyləri görməyi bacarır: kimlərsə macəra, kimlərsə estetik dil bacarıqlarını, kimlərsə də sadə və səmimi bədii ədəbiyyat parçası görür. Hər bir halda Puşkinin oxucuları mənən elə zənginləşirlər ki, bir daha əvvəlki insan olmurlar. Bu onun bir şair və yaradıcı insan kimi böyüklüyünü və təkrarsızlığını sübut edir. 
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu