9

9: Deməli bu dəfəki analiz obyektimiz “9”dur. 9 animasiyası haqqında məlumatı mən hələ 11-ci sinifdə oxuyanda əldə etmişdim. Maraqlı gəlmişdi və dördüncü kursda oxuyanda isə izlədim. Çoxları bəlkə də bunun uşaqlar üçün çəkilmiş nağıl olduğunu düşünür, amma mən belə düşünmürəm (animasiyanın +14 bildirişi var). Həm İmdbdə həm də kinopoisk.ru saytında yazılmış resenziyalarda apardığım araşdırmalar göstərdi ki, vəziyyət 50-nin 50-yədir. Yəni izləyicilərin 50%-i bəyənir və çox şeyi görürlər, 50%-i isə animasiyada çoxlu səhv tapıb, plaqiatdıqda itiham edirlər.
Mən animasiyada bəzi şeylərin plaqiat olduğunu danmıram, ancaq hal-hazırda fikrimi bunun üzərinə toplamaq istəmirəm. İnsan nəyisə bəyənmirsə,  mütləq onda saysız-hesabsız qüsur tapacaq. Beləliklə keçək animasiyanın süjetinə və onun bizlərə anlatmağa çalışdıqlarına.

Süjet: Hadisələr post-apokalipstik dünyada (fəlakətdən sonrakı dünya) baş verir. Belə ki, bir çox elmi-fantastikaların ən əsas mövzularından olan insanların bir-biri ilə düşmənçiliklərinin yaratdığı dünyanın sonu və bu dünyada insanların səhvlərini təmizləməli olan oyuncaq kuklalar təsvir edilmişdir. Bu oyuncaq kuklalar heç də elə-belə deyillər. Belə ki, onların yaradıcısı onlara öz ruhundan, qəlbindən bir hissə vermiş və onlara böyük ümidlər bağlamışdır. Bu kuklaların sayı 9-dur və hərəsi bir şəxsiyyətdir. İzləməyə başladıqdan sonra onları canlı insanlardan fərqləndirmək çətin olur. Bu da animasiyanın uğurudur ki, kuklalar çox canlı formada təsvir olunublar.

Janr: Janr olaraq animasiyanı animation-action janrına aid edirlər. Bunu müəyyən mənada qəbul etmək olarsa da, onu da deyim ki, filmi izləyib qurtardıqdan sonra, məncə, bir çoxları vuruşma səhnələrini deyil, daha dramatik səhnələri xatırlayırlar. Actionda isə izləyicilərin yadında qalan əsas döyüş səhnələri olur.

Çatışmayan cəhətlər: Bunu iki qrupda toplamaq olar: birincisi: film darıxdırıcı və adidir. İkincisi isə film hətta bitdikdən sonra belə izləyicidə çoxlu suallar cavabsız qalır.

Nəticə: Film ciddi, təsirli və maraqlıdır. Məncə həssas insanlarda hətta göz yaşı da müşahidə edə bilərik. Film dövrümüz üçün aktualdır. Maşınların, texnologiyaların inkişafı insanları ruhsuzlaşdıra bilər. Çox şey əvvəlki kimi olmaya bilər. Ruhumuz isə bu həyatın həm keçmişi, həm indisi, həm də gələcəyidir.

Online izlə: buradan
Digər yazılarım: burada