Qarpın dünyası - The World According to Garp

Filmin rusca adı: Мир от Гарпа

Filmin ingiliscə adı: The World According to Garp

Filmlə necə rastlaşdım?: Robin Williamsın bütün filmlərinə baxmaq kimi məqsədim var. Odur ki, mütəmmadi olaraq onun izləmədiyim filmlərini izləyirəm və bu dəfə də bu filmi izləmək qismət oldu. Qısaca təqdimatını oxuduqdan sora mütləq ən qısa zamanda izləməliyəm fikri mənə hakim kəsildi və izlədim. İzlədikdən sonra nələri müşahidə etdim? Oxumağa davam edin o zaman.

Robin Williams və Qarp: Robin Williams bu filmində çox cavandı. 31 yaşında o, bu filmdə əvvəlcə 18 yaşlı cavan tələbəni daha sonra isə prespektivli yazıçını və gözəl ailə sahibini canlandıra bilib. Həqiqətən də aktyordan çox şey aslıdır. Robin Williams cavan olmasına baxmyaraq rolun ifasını əla edib. Filmin baş obrazı Qarp, yuxarıda sadaladığım kimi dəyişiklik keçirdir. Əvvəlcə o, həyatda nəyəsə nail olmaq barəsində düşünməyən gənc olur, daha sonra qarşısına Heleni əldə etmək kimi məqsəd qoyur, bir az sonra isə uğurlu yazıçı statuslarına yiyələnir. O da səhvlərə yol verir amma sonunda başa düşür ki, həyatında ən dəyərli nəailiyyəti onun ailəsidir.

Son epizodlar: Filmin son dəqiqələrini heç bəyənmədim. Filmin son epizodları əvvəlki epizodlarından çox fərqlənir. Motivlər ani dəyişir. Faciə moduluna keçid baş verir və lazım olan mühit yaradıla bilinməyib. Psixopatiyanın müşayəti altında da film sona çatır. Konkret bir təəssürat nəticəsinə gələ bilmirəm. Filmə Robin Williamsa görə izlədim. Peşman deyiləm amma bəyəndim deyə bilmərəm. Özünə görə pis film deyil.

P.S. Film Con İrvinqin eyni adlı bestseller romanı əsasında çəkilib və yazıçının özü də çəkilişlərdə iştirak edib.

Filmi online izlə: burada 

Digər yazılarımı da oxu. Əminəm ki, özünə uyğun bir şey tapacaqsan: burada