Olivye Rolən - Bakıda son günlər
Bu kitab adından göründüyü kimi Bakıdan bəhs edir. Müəllif üç ay
Bakıda yaşamış, gördüklərini, eşitdiklərini, duyduqlarını bittə-bittə
yazmışdır. Bir əcnəbi yazarın gözüylə
Bakıya baxın, burdakı sosial və ictimai, siyasi durumu təhlil edin.
“Bu
kitab öləcəyimi güman etdiyim şəhərdə keçirdiyim günlər haqqında gündəliyə bənzəyir: portretlər,
gördüklərim, fantaziyalarım, oxuduqlarım, səyahət qeydlərim, keçmiş simaların
xatirimdə canlanması və s. Əlbəttə, bu, bir oyun idi. Ölüm oyunu olaraq başlanmışdı. Bununla belə, bu oyun mənim düşüncələrimə rəng qatır, müəyyən həddədək
fantaziyalarımı, hətta baxışlarımı belə
istiqamətləndirirdi.”
Bəlkə də mənə elə gəlir, bəlkə də doğru vurğulamıram, bəlkə də doğru
vurğulayıram. Dəqiq bilmirəm. Bəlkələrdən çox istifadə etdiyimin də fərqindəyəm,
amma onu deyim ki, yazar bir xeyli müddət Bakıda, Azərbaycanda vaxt keçirdib və
bizim cəmiyyətimiz haqqında bir çox şeyləri müşahidə edib. Kitabda da bir çox məqamlar
üçüncü şəxslərin dilindən deyilir və ya sərtaaltı mənalara malikdir. Bəzi şeylərə
isə açıq-aşkar rahatlıqla fikir bildirir. Oxuduqca gördüm ki, yazar bəzi məqamlara
yanaşıb və sadəcə giriş edib. Üzərində dayanmayıb. Yazarın səmimiliyinə şübhə
etdiyim anlar oldu. Əlbəttə hər yazarın üslubu və sənətkarlıq imkanları, düşüncə
tərzi eyni deyil. Yazılanların çoxusu reallığı göstərsə də bir az hiddətləndiyim
zamanlar oldu. Kitabın sonlarında yazıçının çox yaxşı fantaziyasının olduğunu
gördüm. Bu xüsusiylə kitabın sonluğunu maraqlı edib. Həm maraqlı həm də təəssüfverici.
Kitabı oxumaq qərarına gəlsəz və oxusaz nə dediyimi anlayarsız. Ümumilikdə bəli
kitab oxumağa dəyərlidir. Tərcümə çox yaxşı, bədii ifadələr dolğundur.
 |
| Olivye Rolən |
2004-cü ildə Əfqanıstandan qayıdarkən Azərbaycanda, Bakı şəhərində düşməyə məcbur oldum. Bakının yerləşdiyi
yarımadanın adını daşıyan mehmanxanada–Abşeronda qaldım. O zaman dünya mehmanxanalarının
otaqlarında baş vermiş 40-a yaxın əhvalatı
əks etdirən “Kristal mehmanxanası haqqında suita” kitabını yazırdım. Abşeron adının yunan mifologiyasında ölülər çayının adına bənzəməsi
məni öz sui-qəsdimi qələmə almaq fikrinə
düşürdü. Kitabın cildindəki bioqrafik qeyd doğum və ölümümün yeri və tarixini əks etdirirdi:
Bulon-Bilankur 1947- Bakı 2009.
Comments
Post a Comment