Aklındakini Okuyabilirim - Dr. David J. Lieberman


Qısaca yazar haqqında: Dr. David J. Lieberman, bir çox təltiflər almış yazıçı olmasıyla yanaşı, insan davranışları və şəxslərarası əlaqələr sahəsində dünyada tanınan birisidir. Altı kitabı on səkkiz dilə tərcümə edilmişdir. Bunlardan ikisi New York Timesın ən çox satılan siyahısına daxil olmuşdur. Müəllifin açıqladığı yöntəmlər FBİ, ABŞ Donanması, Fortune 500 şirkətləri və 25-dən çox ölkədə hökümət və şirkətlərində mütəxəssislər tərəfindən istifadə olunur. Dr. Liebermanın araşdırmaları dünya miqyasında yayınlanmaqdadır və 200 – dən çox televiziya proqramında qonaq mütəxəssis kimi iştirak etmişdir. Dr. Lieberman doktorantura disertassiyasını psixologiya sahəsində bitirmiş və bir çox təlim, konfranslar təşkil etməkdədir. Hal – hazırda New Jarseydə yaşayır.
Kitabdan nə öyrənə bilərik? Ümumiyyətlə insan davranışları, psixologiya çox qeyri – dəqiq və sadə dilnən desək adamı yarı-yolda qoyan sahədir. Hər bir insan özünə görə özünəməxsusdur. Buna baxmayaraq ortaqlıq sərgiləyən xüsusiyyətlər də çoxdur. Doğru yerdə, zamanda, doğru sual yalanın psixologiyasının əsas bünövrəsidir ki, bu kitabda da buna rast gəldim. Çox istərdim ki, ingilis dilində oxuyum. Kitab tərcümədir ona görə də bəzi yerləri başa düşmək üçün bir xeyli əziyyət çəkməli olursan amma kitabdan öyrəndiyim dəyərli məlumatlar çox oldu. Bəzi texnikalar, bəzi faktlar mənim üçün çox öyrədici oldu. Onsuz da mövzusu etibarıyla belə kitabların sayı azdır. Yeni yeni belə kitablar və nəzəriyyələr təkmilləşdirilir. Əvvəllər də bununla məşğul olan elm adamları olub amma onların bir çoxu bunu yarı yolda buraxıblar çünkü çox çətin sahədir. Kitabda qeyri – adi şeylər yoxdu. Çoxu da bilinən üsullardır. Təkrar təkrar oxuduqda və tətbiq edildikdə effektiv ola bilər. Zənnimcə kitab ünsiyyət bacarığına tövhə verə bilər. Eyni zamanda zərər də verə bilər. Artıq bu sizin şəxsiyyətinizdən və xasiyyətinizdən aslıdır. Kitabın üz və arxa qapağındakı iddialar məncə yersizdir. Özünü doğruldmur. Yetərsiz qalır. Sadəcə bəzi şeylər sistemli olaraq araşdırılıb və mən bundan da dəyərli və faydalı məlumatlar oxumuşam. Psixologiya ilə əlaqədar bəzi əsas məlumatların olmasını bəyəndim. Əsas olan həvəskar səviyyəsində, sadə formatda olsa da sizə lazım olan insanların kiçik psixoloji portretini hazırlamaqdır. Bunu tam olaraq bu kitabla edə bilməzsiz (əlbəttə yardımcı olacaq). Bunun üçün bir çox psixologiyaya aid kitab oxumalı və təlimlərdə iştirak etməlisiz.
Nəticə: Kitabın adı çox cəlbedicidir və reklamı göz çıxardır. Ona görə də insanlar çox vaxt belə kitablara meyl edirlər. Əbəs yerə şəxsi inkişaf kitabları dünyada ən çox qazanc gətirən kitablar deyil. Bu kitab faydalıdır amma tam özünü doğrultmur amma oxumaq lazımdır. Dəyərli məlumatlar əldə edəcəyinizə əminəm. 10 ballıq sistemlə 6.5

Comments

Popular posts from this blog

Kerol S. Duek - Düşüncə tərzi: uğurun yeni psixologiyası

Ziqmund Freyd - Yuxuların yozumu

Corc Oruell - 1984

Janrlar və mən

Kamal Abdulla - Sehrbazlar dərəsi