Robert Kiyosaki - Varlı ata, kasıb ata

Kitabın rusca adı: Роберт Кийосаки, Шэрон Лечтер - Богатый папа, Бедный папа

Kitabın ingiliscə adı: Robert Kiyosaki - Rich Dad Poor Dad

There's no money in poetry, but then there's no poetry in money, either.

Robert Graves

        

Təqdimat – Kitabın müəllifləri oxuculara çatdırmaq istəyirlər ki, məktəblər insanlara pul üçün işləməyi öyrədirlər, halbuki pul insanlara işləməlidir. İnsanlar hansı səhvlərə yol verərək həyatı boyunca kasıb yaxud da orta təbəqədə həmişə borc və kredit qaytararaq ilişib qalırlar? Varlı insanlar nələri varlı olmayanlardan fərqli olaraq fərqli edirlər? Şəxsi biznes anlayışı nə deməkdir? Biz başa düşməliyik ki, hər şeyin səbəbi var. Dünyada hər zaman mövcud olmuş sosial-madii qeyri-bərabərliyin kökündə nələrin dayandığıyla əlaqədar səthi də olsa məlumat verən, hər halda oxumağa dəyən bir kitab.

         Kitabın “+”-ları - 1) Janrına baxmayarq olduqca ədəbi və müəyyən hissələrdə də səmimi (şəxsi inkişaf və eləcə də biznes kitablarının ədəbi üslubda olması çox müsbət nəticələr verə bilər.) kitabdır. 2) Kitab insana əvvəllcə öyrənməyi daha sonra isə özündən asılı olmağı təbliğ edir. 3) Kitabı yaxşı dərk edə bilsəz, çox şeyə daha fərqli yanaşıb, daha kreativ ola bilərsiz. 4) Kitabın bəzi yerlərində investorların gücündən bəhs edilir ki, bu həqiqətdir və heç də hamı bunu bilmir. 5) Müsbət bir hal kimi onu hesab etmək olar ki, kitab potensial sahibkarlıq istedadı olan insanlarda sahibkarlıq fəaliyyətlərinə maraq və həvəs yarada bilər, amma onlar üçün zəruri bilik təmin edə bilməz (etsə də çox az).

           Robert Kiyosaki

         Kitabın “-“-ları – 1) Janrının digər nümayəndələri kimi bu kitabın da uzunçuluq və təkrarçılıq edərək oxucunu yoran üslubu var. Adamı təəssüfləndirir ki, bir cümləlik final cümləni demək üçün 30-40 yorucu və eyni cümlələri təkrar-təkrar oxumalı olursan.2) Oxuculara istiqamətlənmiş mesajlar olduqca məhdud təfəkkürün nəticəsidir. 100% hər şey insanın öz əlində deyil. Hər şey insanın kiçik yaşlarından yetişdirilməsindən asılıdır ki, kitab bunu əvvəlləcə göstərir və sonra isə sağa-sola çox yayınır. 3) Kitab əsasən ABŞ iqtisadiyyatına xas xüsusiyyətlər üzərində qurulmuşdur və dünyanın bir çox yerlərində keçərli olmaya bilər. 4) Kitabın məqsədi oxucularına bəzi şeyləri öyrətməkdir, amma gəlin baxaq görək kitab həqiqətənmi öyrənmək prosesini gerçəkləşdirir? Çünki əgər siz praktik zəkalı insansanız orada yazılanları indidən bilirsiz və ya işin içində olan dostunuz, yaxınınız varsa, ondan daha çox şey öyrənə bilərsiz. 6) Cəmiyyət sadəcə tacir, biznesmen ya da maliyəçilərdən ibarət ola bilməz. Müəllif kitabında birmənalı şəkildə bu sahələri təbliğ edir və digərlərini acınacaqlı vəziyyətdə göstərir. 7) Tipik amerikan psixologiyası tipində yazılmış olan bu bitabın əsas məqsədi şəbəkəli marketinqə yeni başlayanların beyinlərini yumaqdır.

Kitabı oxu (rusca)