Oyuncaqlar - Toys - Игрушки


Baş  Rollarda - Robin Williams, Michael Gambon, Joan Cusack, Robin Wright
Rejissor - Barry Levinson
Ssenari müəllifləri - Valerie Curtin, Barry Levinson


         Süjet - Heç kim Lesli Zivo qədər oyuncaqları sevmir. O, özü onları düşünüb yaradır və atasının fabrikində test edir. Gözlənilmədən Leslinin atası dünyasını dəyişir və fabriki qardaşı olan hərbi generala miras qoyur. Ailəvi biznesə aid generalın öz planları var imiş. Qəddar hərbiçi oyuncaq fabrikində miniatür hərbi texnika istehsal etməyə qərar verir. Lesli yaranmış bu vəziyyətlə razı deyil və fabriki öz militarist əmisindən geri almaq üçün gərək əlindən gələni etsin. Bu yolda o, nələrdən keçəcək?
         Resenziyam - "Robin Vilyamsın bütün filmlərinə baxmaq" məqsədini, gördüyünüz kimi, addım-addım reallaşdırıram. İzlədiyim bu film mənimlə həmyaşıddır (1992). Robin Vilyams hələ bu filmdə kifayət qədər cavandır. Film olduqca inellektual, düşündürücü və ifşaedicidir. Açıq-aşkar görsənir ki, filmin rejjissoru və ssenaristi dövrünün aktual mövzularından ilham alaraq belə bir film çəkmişdir. Filmdə MTV, militarist video oyunlar və pasifizmlə əlaqədar olduqca yaxşı epizodlar var. Ümumiyyətlə filmin süjetini elə bu motivlər əmələ gətirir. Günümüzdə bu mövzulara ayrılan zaman və enerji, sanki, azalıb. 90-cı illərin əvvəllərində illüminati mövzusu çox böyük populyarlıq qazanmış və 2000-ci illərə qədər bu populyarlığını bir çox amerikan cizgi serialları və filmlərində biruzə vermişdir. Bu filmdə də bir epizodda MTV (emty vee) vurğulanır. Hərgah bunun mənasını tam dərk edə bilməsəm də, bu o MTV-dir ki, amerikan kapitalizminin propaqandasında ən effektli vasitə hesab olunur. Filmdə MTV fikir yayındıran vasitə kimi istifadə olunub. Uşaqları yaşlarından əvvəl cinsi əlaqə, narkotik istifadəsi və psixoloji gərginlik yaradacaq davranışlara təhrik edən bu kanal, sözün həqiqi mənasında, insanların fikrini yayındıran və sadəcə və sadəcə zərər verən şər əməlin məhsuludur. Bir digər epizodda general oyun oynayarkən BMT-nin maşınlarını güllə-baran edərək, onları lazımsız və maneçilik törədən qrup kimi təqdim edir.
         Filmin əsas ideyası generalın hərbi texnika istehsalına keçid etməsidir. General çox önəmli bir şey qeyd edir: bu günün uşaqlarının fərqli olduğnu, onların video oyunlar sayəsində bu gün istənilən hərbiçidən yaxşı nişan aldıqlarını və yaxşı dağıntı törətməkdə olduqlarını qeyd edir. Diqqətlə fikir versək, əksər video oyunların şiddət və məhv etməyə yönəlik olduğnunu görəcəyik. Bu filmlər və cizgi filmlərə də aiddir. Bəlkə də gələcəyin ən yaxşı döyüşçüləri bu günün ən yaxşı video oyunçularıdır. Nə də olsa dünya virtual dünyaya inteqrasiya edir.
         Film maraqlıdır. Yuxarıda qeyd etdiklərimdən başqa, siz filmdə olduqca maraqlı, rənagarəng epizodlar və əyləncəli məqamlar görəcəksiniz. Robin Vilyams komik rolların mahir ifaçısıdır. Düşünməyin ki, film uşaqlar üçündür və izləməyə dəyməz. İmdb reytinqi aşağıdır, çünki amerikanlar belə filmləri anlamır və sevmirlər.

Comments

Popular posts from this blog

Kerol S. Duek - Düşüncə tərzi: uğurun yeni psixologiyası

Ziqmund Freyd - Yuxuların yozumu

Corc Oruell - 1984

Janrlar və mən

Kamal Abdulla - Sehrbazlar dərəsi