Pinin Həyatı - Life of Pi (2-ci yazı)

Bu dəfəki yazımda “Life of Pi” filmiylə əlaqədar maraqlı faktlar və araşdırmaları və yeni sitatları oxuyacaqsınız. Mən özüm bu məlumatları həvəslə öyrəndim. Odur ki, sizinlə də bölüşüm. Belə ki: 1) Original romanda olduğu kimi, filmdə də gəminin adı “Tsimtsum”-dur. Bu söz yahudi mənşəlidir və 16-cı əsrdə məşhur kabalist İsaq Luriya tərəfindən, sonsuz Allahın sıxılması nəticəsində əmələ gələn boşluğu ifadə etmək üçün yaradılmışdır. Romanda Pi, Luriyanın yaradılış ilə əlaqədar olan fikirlərindən dissertasiyanı xatırladır. Filmdə isə, o, sadəcə universitetdə kabaladan mühazirə oxuduğunu deyir və Luriyaya toxunmur. 2) Pisin Molitor Patel (Pi), Fransada yerləşən hovuzun şərəfinə adlandırılmış personajdır. Bu hovuz “Rolan Harros” və “Park De Prens” stadionlarının arasında yerləşir. 1989-cu ildə bağlanmasına baxmayaraq, 1990-cı il 27 mart tarixində hovuz Fransanın tarixi abidəsi statusunu qazanmışdır. 3) Romanın müəllifi Yan Martel, braziliyalı yazıçı, Moasir Sklyarın “Maks və Pişikkimilər Ailəsi” əsərini oxuduqdan sonra “Pinin Həyatı” əsərini yazmağa ilhamlanıb.  Belə ki bu əsərdə (Maks və Pişikkimilər Ailəsi) bir yəhudi-alman qaçqınının Atlantik okeanını bəbirlə birlikdə keçməsi təsvir olunur. 4) Baş rolu ifa etmiş Surac Şarmanın bu rola seçiləcəyini heç kim ehtimal etmirdi. O, kastinqdə qardaşı ilə birlikdə məşq edirdi və Anq Linin komandası belə qərara gəlir ki, onu seçsinlər. 5) Riçard Parker adının olduğu və son zamanlarda çəkilmiş digər bir film, “Yeni Hörümçək Adam” filmidir. 6) Pi və yazıçı birlikdə Monreal limanında oturub söhbət edərkən, onların qarşısından Mignonette gəmisi keçir. Bu gəmi məşhur ingilis kriminal hekayəsi olan “R v Dudley and Stephen” hadisələrində adı keçən yaxtalardan birisidir. Yan Martel Riçard Parker adını məhz bundan təsirlənərək seçib. 7) Filmdəki ada Hindus ilahəsi olan Vişnu formasıdır. Bunu adanı profildən təsvir edərkən sezmək mümkündür. 8) Riçard parker adıyla əlaqədar digər uyğunluq, Edqar Allan Ponun “Artur Qordon Pimin maceraları” povestində var. Belə ki Riçard Parker bu povestdə qəzadan sağ çıxmış dənizçiydi, lakin onunla birlikdə sağ qalmış digər 3 heyət üzvü həyatda qalmaq üçün onu yedilər (filmdə bəzi səhvlər də var. Belə ki, Riçard parker filmin sonunda sahilə çıxdıqdan sonra onun yerişləri qumun üzərində iz qoymur. Bir digər səhv isə, qayıqda olarkən Riçard Parker çaqqalı öldürdükdən sonra çaqqalın bədəninin anidən qeyb olmasıdır).

Sitatlar:

• Sən onu niyə qorxudursan? Mən ailəmi itirdim! Mən hər şeyi itirdim! Mən mühasirəyə alındım! Daha nə istəyirsən? (Why are you scaring him? I lost my family! I lost everything! I surrender! What more do you want?)
• Mən peçenya yeyə bilərəm, amma Allah pələngləri yırtıcı yaradıb. Ona görə də mən balıq tutmağı öyrənməliyəm. Əgər bunu eləməsəm, qorxuram ki, pələngin axırıncı yeməyi arıq vegeterian bir oğlan olacaq (I can eat the biscuits, but God made tigers carnivorous, so I must learn to catch fish. If I don't, I'm afraid his last meal would be a skinny vegetarian boy).
• Bizim həyatımızı xilas etmək üçün qarşımıza balıq formasında çıxdığına görə çox şükür sənə, Vişnu (Thank you Lord Vishnu. Thank you for coming in the form of a fish and saving our lives).
• Çox şükür sənə ki, ilahi, mənə həyat verdin. İndi mən hazıram.
• Mən ona görə ağlayırdım ki, Riçard Parker məni bu qədər asanlıqla atdı. Bu mənim qəlbimi sındırdı. Belə çıxır ki, atam haqlı idi. Riçard Parker mənə dost deyildi. Birlikdə yaşadığımız bu qədər şeydən sonra o hətta geri çevrilib baxmadı belə, amma mən bilirəm ki, onun baxışlarında mənim əksimdən daha artıq şeylər var idi. Sübut edə bilməsəm də, mən bunu hiss edirdim. Bilirsiz mən çox ayrılıqlar yaşamışam: Hindistanla, doğmalarımla, Anandiylə. Belə çıxır ki, həyat ayrılıqların növbləşməsidir, amma ən ağrılı olanı odur ki, sağollaşmadan ayrılasan. Atama mənə öyrətdiklərinə görə çox sağ ol deməyə macal tapmadım. Çünki onun dərsləri olmasaydı mən sağ qala bilməzdim. Bəli Riçard Parker pələng idi, amma mən ona “biz səninlə sağ qalmışıq. Təşəkkür edirəm ki, həyatımı xilas etdin. Mən səni çox sevirəm. Sən həmişə mənimlə olacaqsan. Tanrı səni qorusun” sözlərini deyə bilmədim.
  
  
  PininHəyatı (1-ci yazı)