Qarışqaların Fəryadı - Крик муравьев - Scream of the Ants

         Süjet: Tanrının varlığına inanan bir qadın ateistə aşiq olur. Dini fərqlilikləri onlara nigaha daxil olmasğa mane olmur. Toydan sonra onlar bal ayını Hindistanda keçirmək qərarına gəlirlər. Bu bal ayından daha çox fəlsəfi səyahətdir (bəyəm hər səyahət fəlsəfi deyilmi?). Onlar mükəmməl insanı axtarırlar. Bəli o, mövcuddur. O, sizə də kömək edəcək. Sadəcə axtarıb tapın. Yüngülləşəcəksiniz (Filmin mövzusuna görə o İranda qadağan olunub və çəkilişlərini də ölkə ərazisində qarşısı alınıb.).

         Resenziyam: Həmişə belə bir filmə baxmağı istəmişəm. Filmə birinci dəfə baxandan sonra hər şey mənə tam aydın olmasa da, başa düşdüm ki, bu mən axtardığım filmdi. Filmin mövzusuyla əlaqədar çox şeylər oxumuş, çox adamlarla söhbət etmişəm. Film isə bu motivləri daha yaxşı aydınlatdı.

         Onlar səyahətə çıxıblar, bunu əvvəldə də qeyd etdim, lakin bu səyahət ilk baxışda axtarış da ola bilər, olmaya da bilər. Mənə elə gəlir ki, bu daha çox öz dünya görüşünün, düşüncə və yanaşma tərzinin və yolunun doğruluğunun təsdiqi kimi də ola bilər. Buna baxmayaraq ər və arvad birlikdə mükəmməl insanın axtarışına çıxıblar. 

         Əvvəllər bildiyimiz bəzi sadə anlayışlar filmin olduqca uğurlu epizodları sayəsində, sanki, bizə daha rahat və maraqlı gəlir. Filmdə həm yeni həm də yeni olmayan çox şey görürük. Daha sonra isə özümüzdə - daxili dünyamızda itib batırıq.

         Süjetdə qeyd etdim ki, cütlük Hindistana səyahətə çıxır. Onlar tək deyillər. Mənəvi dünyanı kəşf etmək üçün 99% əhalisi yoxsul olan bu ölkə çoxları üçün cəlbedici gəlir. Hindistan, Misir və Mesopatamiya bəşər sivilizasiyasının beşiyidir. Hindistan fərlqi bir məkan, Hind insanı da fərqli birisidir. Hind fəlsəfəsinə, reinkarnasiyasına inanan olduqca çox sayda adam var. Bu filmlə siz Hindistanı hərtərəfli sürətdə dərk edəcəksiz.

         Parlaq epizodlar və obrazlar - Prinsipcə filmin hər epizodu olduqca diqqətəlayiqdir. Filmdə baş obrazın bütlərlə söhbəti, baxışı ilə qatarı saxlayan qocanın sirrini açıqlaması, ideal insanın tapılması, içəriyə milçək girdi deyə maşını geri sürən batil inanclı taksi sürücüsü və 30 ildir Hindistanda yaşamaq üçün hər şeyini atmış və ali məqsəd üçün çalışan bir alman insanı ilə qarşılaşmaları mənim üçün ən yadda qalan və dərin mənalı epizodlar oldu. Mənə elə gəlir ki, rejissorun özü də obrazlar ilə birlikdə həqiqəti axtarırdı, amma rejissorun özü də filmin sonunda obrazlar kimi yoruldu və tupiklə qarşılaşdı. Belə məsələlərdə həmişə belə olur. Filmin sonundakı işini-gücünü, ailəsini atmış və Hindiatanda 30 ildir yaşayan alman bizə yeni bir şey deməsə də yaddaqalan obrazdı.

         Yekun nəticə olaraq, bəli, Hindistan və onunla əlaqəli olan hər şey, həqiqətən də, ezoterikdir və Möhsün Mahbalbaf fərqli bir yaradıcıllıq nümunəsi ortaya qoymağı bacarıb - 9/10

P.S. Filmin adının niyə belə olduğunu izləyərək başa düşə biləcəyinizi düşünürəm. Hər şeyi də yazmaq olmaz ki))

Filmi izlə