Hudzonda Moskva - Moscow on the Hudson - Москва на Гудзоне

Baş  Rollarda - Robin Williams, Maria Conchita Alonso, Cleavant Derricks

Rejissor - Paul Mazursky

Ssenari müəllifləri - Paul Mazursky, Leon Capetanos

Janr - Komediya, drama, romans

İl - 1984

         Süjet - Sovet sirkində musiqiçi olan Vladimir İvanovun qismətinə, taleyin ironiyası ilə, dostu kloun Anatolinin arzuladığı bir şey qismət olur. Anatoliy bütün varlığı ilə sovet hakimiyyətinə nifrət edirdi və qərbə qaçmaq arzusundaydı. İş elə gətirdi ki, Amerikada, New York-da qastrol səfərində olarkən, Anatolini KQB daima izlədi, Vladimir isə nəzarətsiz qaldı. Nəhayət o an gəlib çatır: musiqiçi hansı qərarı versin? Sosializm ideyalarına sadiq qalsın yoxsa arzulanan azadlıq və yeni həyata qədəm qoysun? Bu qərar özüylə bərabər hansı nəticələri gətirəcək? Azadlıq? Hansı siyasi sistem bunu tam mənasıyla dərk edir? (Başa düşürəm. Sonuncu sual gülməli sualdır)

         Resenziyam - Bu filmin mənim üçün heç bir əhəmiyyəti olmazdı əgər filmdə Sovet İttifaqı tənqid olunsaydı və ABŞ yeganə xilas yolu kimi təqdim edilsəydi, amma rejissorun (Paul Mazursky) böyüklüyü və ustalığının nəticəsidir ki, həm Sovetlərin siyasi-ictimai həyatı həm də ABŞ-ın demokratiyası tənqid olunur. Bu film Sovet hökümətinin vaxtında qadağan olunmuşdu. Həm Sovetin vaxtında olan həyat tərzi həm də ABŞ-da olan həyat tərzi pisi ilə də yaxşısı ilə də təqdim olunub. Müqayisə etmək isə sizə qalıb.

         Məni ən çox təəccübləndirən filmin ilk dəqiqələrində Saveli Kramanov, İlya Baskov kimi çox məşhur Sovet aktyorların da filmdə yer alması oldu. Möhtəşəm aktyor performasnı və rus dilində danışmağı ilə Robin Vilyams məni bir daha heyran etdi və mən bu aktyoru bir daha özüm üçün kəşf etdim. Maria Conchita Alonso adlı, Vladimrin sevgilsi rolunu oynamış digər baş rol ifaçısı da performans baxımından heç də pis deyil. Hərgah ki, mən onu başqa filmlərdə görməmişəm, amma çox realistik və təbii ifa ilə özünəməxsus yer tutub.

         Biz sadəcə və sadəcə reallıqları görürük. Biz görürük ki, niyə insanlar Sovetin vaxtında əziyyət çəkirdilər, onlar nələrdən bezmişdilər və artıq nələrə tox, nələrə isə ac idilər. Biz görürük ki, ABŞ ona sığınanlara necə münasibət bəsləyir və onlara nə verir. Mən bəzi məqamlarda sadəcə şoka düşürdüm ki, bu dərəcədə realsitik bir film var. Biz immiqrant həyatının necə də çətin olduğunu və yeni kültür, yeni cəmiyyət mənimsəməyin necə də çətin olduğunu görürük (əlbəttə bu insanda insana dəyişə bilər). Çoxları ABŞ arzusu ilə yaşayır və bunun çox sadə və bütün problemlərin həlli kimi başa düşür. Doğurdanmı bu belədir?

Vladimir Ivanov

         Komedik məqamları, həqiqətləri göstərməsi və əla aktyorları ilə, "Hudzonda Moskva" filmi mənim üçün dəfələrlə və dəfələrlə izləyəcəyim bir film oldu. Bir xeyli müddətdi ki, artıq biz də Sovet ölkəsi deyilik. 80-ci illərin ABŞ və Sovet qarşıdurmasını izləyin. Məncə, sadə və real üslubla çəkilmiş bu filmi bəyənəcəksiz.

         Filmdən sitatlar

1.     - Hərdən gecələr yuxudan dururam və kim olduğum haqqında düşünürəm.

- Rusiyada bunu biz bütün gün edirik.

2.     - Yəni sən heç vaxt istəmirsən ki heç nə düşünməyəsən?

- Rusiyada bu həmişəki ruhi haldır.

3.     - Rusiyada mən düşmənin kim olduğunu bilirdim, amma burada hər şey çox qarışıqdı.

 - Sən hər şeyə ifrat reaksiya verirsən. Guya Rusiya azadlıqdı?

 - Bəs bu azadlıqdı? Bu yalançı azadlıqdı. (Vladimirin üzərinə oğrular hücüm edəndən sonra)

4.     Nyu York məni qorxudur. O qəddar və dəlidir.

5.     Dünən mən ilk şəxsi amerikan ayaqqabılarımı aldım. Onlar İtaliyada istehsal olunmuşdu.

6.     Azadlığı olmayan incəsənət xadimi, qanadları olmayan quş kimidir.

7.     Vladimirin babası xəbərləri izləyir: Yalan danışırlar, eyni zamanda da gülürlər əclaflar. İndi də deyəcəklər ki, yaxşı məhsul yığımı olub.

    Filmi izlə (rusca)