MİSS Representation

Amerikan gəncləri vaxtlarını həftədə:

-          31 saat televizora baxaraq

-         17 saat musiqiyə qulaq asaraq

-         3 saat kinoteatrlarda film izləyərək

-         4 saat jurnal oxuyaraq

-       10 saat online söhbət edərək keçirdirlər.  Bu isə gündəlik 10 saat 45 dəqiqə mediaya ayrılan vaxt deməkdir.

Günümüzdə insanların mediadan öyrəndiklərini digər qaynaqlardan öyrəndikləri ilə müqayisə olunmazdır. KİV həm mesaj həm də mesaj ötürəndir. İnsanlar içində olduqları cəmiyyətdə nələrin baş verdiyini məhz media, KİV vasitəsi ilə öyrənirlər. Ona görə də media bu gün çox böyük gücdür. Biz unikal dövrdə yaşayırıq. Belə ki, bu gün marketoloqlar cəmiyyətin əxlaqı-mənəvi dəyərlərinə təsir edə və formalaşdıra bilmək gücünə sahibdirlər. Media cəmiyyətimizin, uşaqlarımızın formalaşmağında nəhəng rola sahibdir. Nə də olsa valideynlər asana qaçırlar. Uşağı televiziya qarşına qoymaq daha asandır nəinki ona kitab oxumağı öyrətmək.

İnsanların sağlam formada, xüsusiylə psixoloji travmalarsız yetkin şəxsiyyət kimi formalaşmağı olduqca çətin prosesdir. Belə ki, bu sənədli filmi izləyəndən sonra Amerikada adi insanların 4-5 nəfərin istəkləri ilə necə mübarizə apardıqları ilə tanış oldum. KİV-də əsasən zorakılıq, seksual motivlər və daha çox istehsal edib daha çox istehlak kimi məqamlardır. Bu da insanları tamamilə fərqli formada yetişdirir. Əlbəttə bu vəziyyət elə bizim öz ölkəmizə də aiddir. Televiziya kanallarımızda əxlaqsız qadınlara, müğənnilərə, axmaq meyxanaçılara daha çox vaxt ayrılır nəinki intelektual, vətənpərvər və öyrədici verlişlərə, mövzulara. Axmaq seriallar və filmlərdən başqa bir şey yoxudur. Təəssüf ki, düşünməkdən məhrum insanlar sadəcə təqlid etməklə məşğul olurlar. Mövzudan çox uzaqlaşmayaraq sənədli filmin olduqca gözaçıcı xarakterdə olduğunu deyə bilərəm. Amerika medyasında qadınların, gənc qızların sadəcə əşya, istismar ediləcək bir şey kimi təqdim edilməsi çox gözəl tənqid edilib. Bu vəziyyətdən çıxış yolu üçün Kandaliza Rays (Condoleezza Rice), Nancy Pelosi və bir çox aparıcı, məşhur qadınların fikirləri verilmişdir. Sənədli filmdə olduqca gözəl sitatlar və statistikalar var. Bu sadəcə Amerikada belə deyil. Bir çox əksər dünya dövlətlərində də belə hallar çoxdur. Arzu edirəm ki, biz belə mövzularda sadəcə deməklə deyil, eyni zamanda öz əməllərimizlə gənc nəslə nümunə ola biləcəyik. 

Sənədli filmi online izləmək üçün (ingiliscə) - TIKLA

Digər sənədli filmlər haqqında: Burada 

Digər yazılarımı oxumaq üçün: Əsas səhifə