Boyhood - Отрочество

-
İlk öncə uşaq, sonra yeniyetmə, daha sonra isə gənc Meysonun 12 illik həyatını əks etdirən film bizlərə onun məktəbə getdiyi ilk gündən kollecə getdiyi ilk günə qədərki həyat yolunu göstərir. Kinematoqrafiyada xüsusi yer tutan bu film reallığa açılan pəncərə kimidir. 12 ilə insanın necə dəyişdiyini, dəyişdikcə nələr hiss etdiyini, nələrdən keçib gəldiyini görürük. Ani döngələr və ya qeyri-adi hadisələrə gözləməyə dəyməz. Çünki Meyson adi insandır. Filmdə özümüzü görməmək sadəcə mümkün deyil. 


17 dekabr 2014-cü il tarixində Barak Obama "Boyhood" filmini ilin ən yaxşı filmi adlandırdı. Castin Çenq kimi məşhur film tənqidçisi də qısa müddətdən sonra eyni fikri səsləndirdi. Film dərhal bir neçə nominasiyada Oskara namizəd oldu. 1 Oskar və digər çoxsayılı müxtəlif mükafatlar (Qızıl Qlobus, BAFTA və s.) alan film metatənqidçilər arasında 100-də 100-lük reytinqə nail oldu. Riçard Linkleyter 12 il ərzində eyni aktyorları çəkiliş meydançasına topladı ki, 12 il ərzində onların necə qocaldığını göstərsin. İzləməyə başladıqdan bir müddət sonra filmin film sənayesinin imkanlarını yenidən kəşf edirsən. Bunu inqilab hesab etmək olar. 

Riçard Linkleyter 2002-ci ildə disterbüter şirkəti olan İFC adlı şirkətlə müqavilə bağladı ki, 12 il ərzində bir oğlanın böyüməsi ilə əlaqədar sənədli flm çəksin və hər dəfə çəkilişlərə 200.000 dollar xərcləsin. 4 milyon dollarlıq büdcə ilə təkcə ABŞ-da 25 milyon dollar gəlir əldə edən film bir daha imkanlar haqqında düşündürür. 

Film 12 ilə, 2002-ci ildə 2013-cü ilin oktyabr ayına qədər çəkilib. İstifadə olunan xüsusi film texnikası maraq doğurur: rejissor filmin heç bir yerində tarix qeyd etməyib. Meysonun üzünə diqqətlə baxmaq kifayət edir ki, gün, ay, yoxsa ilin keçdiyini başa düşəsən. Hər bir zaman aralığı filmdə olduğunu kimi real və canlı təsvir olunub. Heç bir detal zamanın ruhuna yad deyil. Başqa sözlə, sadəcə möhtəşəm. 

Bir neçə kritik hadisələr izləyicini sərt döngələrə hazırlaşdırsa da, faciəvi hadisələr baş vermir. Meyson təbiət baxımından filmdə də qeyd olnuduğu kimi çox yumşaq qəlbli və mehribandır. O, bütün zərbələrə tab gətirə bilir. Daxilində aqressiya toplanmır, depressiya yaranmır. Bu məqamlar onun psixoloji portretini olduqca özünəməxsus edir. Onun sevgi, dostluq və həyatda öz yerini tapmaqla əlaqədar verdiyi suallar və yaranan dialoqlar olduqca gözəldir. 













Finalla əlaqədar xüsusilə qeyd etmək lazımdır. Çünki sadəcə möhtəşəmdir. Bundan gözəl bir şey fikirləşmək olmazdı. Uzun müddət axtardığını tapmaq və boşluğa qalib gəlmək insan həyatının məğzidir. Bu olduqca çətin yolu - 12 ili, Meysonla birlikdə yaşamaq istərdinizmi?

Mənə kömək etdi:
  • http://tjournal.ru/
  • http://kinopoisk.ru/
  • http://www.kritikanstvo.ru/

Comments

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısıdır.
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ
Davamını oxu

Janrlar və mən

-
Image
        Drama və Tragediya: Bu janrda kitablar çox oxumasam da, oxumağı niyə məqbul görürəm: əvvəla belə janrda daha çox film izləmişəm. Xüsusiylə də yapon filmləri. Aralarında eləsi olub ki, sözün həqiqi mənasında mənə əməlli başlı təsir edib. Məsələn Kuklalar filmini izlədikdən sonra 3-4 gün hipnoz olunmuş kimi gəzmişəm. Bu vəziyyət yadımdan çıxmaz. Ailə və sevgi dramları janrı əslində öyrədicidirsə, olduqca lazımlıdır. Əlbəttə yazıçının ya da rejissorun ustalığından aslıdır ki, müxtəlif insan simalarını yaratdığı əsərdə ifadə edə bilsin. Drama və tragediyalar bizə izdirab çəkən insanları göstərir. Freud demişkən biz film, teatr və kitabların vasitəsiylə normal həyatda hiss edə bilmədikərimizi hiss edə bilirik. Bu da bizim kifayət qədər xoşumuza gəlir.
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu