Mark Fişer - Milyonerin sirri - Марк Фишер - Секрет миллионера

-
Kitabın annotasiyası bizi inandırmağa çalışır ki, kitabda maddi cəhətdən zəngin insanların əsas sirri bizə izah olunacaq. Kitabı oxuduqdan sonra biz də bu sirri öyrənib tətbiq etsək, özümüzə olan inam və güvən artar və maddi zənginliyə gedən yolda əsas alətə sahiblənmiş olarıq. Gəlin görək bu həqiqətən də belədirmi?

Hər şeydən öncə kitabın adını təhlil edirəm – Milyonerin sirri. Bu addan milyoner sözünü götürürəm və başa düşürəm ki tək-tənha qalmış sirr sözü elə bax həmən o “sirr”-di. Məşhur Sirr filmi və kitabı haqqında çoxları kifayət qədər məlumatlıdır. Bir çox insan Ronda Bernin dünyada bestseller olmuş “The Secret” əsəri və əsasında çəkilmiş filmi izləyib. Mən də istisna deyiləm. The Secret mənə çox şeyi izah etdi və bir çox məsələyə yanaşmamı dəyişdi.


“Milyonerin sirri” isə tamamilə, rəqəmlə ifadə etsək 96% Sirrin fəlsəfəsinə əsaslanır. Oradakı üsul və yöntəmlər kitabda hekayə - pritça dili ilə bizə çatdırılır. Heç bir başqa yenilik, qeyri-adilik, xüsusilik və yaradıcıllıq yoxdur. Tamamilə təkrar və oxşar üslub. Belə kitabların sayı həddindən artıq çoxdur. Kitab bazarında “Varlanmağın 32 üsulu” və ya “Düşün və varlan” adı altında çap olunan kitablar çoxdur. Hamısı bir-birinin təkrarı və mənasız söz yığınıdır. Oxuduqca adam darıxır və vaxtını boşa sərf etdiyini başa düşür, lakin mən axtarışlarıma davam edəcəm, davam etməliyəm. Çünki ixtisasıma (BBA) uyğun olaraq həm özümün, həm də dost-tanışımın faydalanması üçün lazımi ədəbiyyat axtarışlarımı davam etdirəcəm. İndiyə qədər biznes dünyasına və onda yerini tutmuş tanınmışlara aid oxuduğum kitablar arasında “Bill Gates: Biznes yolu -Des Dearlove”, “Cim Lesinski – ZMOT”, “Abramoviç prinsipi - Принцип Абрамовича.Талант делать деньги - Владислав Дорофеев, Татьяна Костылева”, “Lester C.Thurow - Kapitalizmin Gələcəyi”, "Liderliyin Həndəsəsi- Rendal Krozbi - Рэндалл Кросби - Геометрия Лидерства”, Joseph O'Connor andAndrea Lages - NLP ile Koçluk” kimi kitabların nə isə yeni bir şey təqdim etdiyini deyə bilərəm. Oxumağa dəyər, lakin “Robert Kiyosaki – Varlı ata, kasıb ata” və “Mark Fişer – Milyonerin Sirri” kimi kitablar yenilik tədqim etmirlər. 

Comments

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısı...
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu

Monten - Təcrübələr

-
Image
Kitabın rusca adı:   Монтень Мишель - Опыты Kitabın türkcə adı:   Montaigne-Denemeler Çox məşhur olan bu kitab nə romandır nə də elmi əsər. Bu əsər Montenin insan həyatını əmələ gətirən ən önəmli mövzular ətrafında bildirdiyi olduqca dəyərli fəlsəfi fikirlərdir. Həcmcə kiçik məqalələr toplusu olan bu kitabı istədiyiniz səhifədən başlayıb oxuya bilərsiniz. Məsələn mən vaxtaşırı düşündürücü bir şey oxumaq istəyəndə kitabın təsadüfi səhifəsini açıram və qarşıma çıxan başlığı oxuyub daha sonra mətninə keçirəm. Aralarında elələri də olub ki, elə bir ciddi əhəmiyyət kəsb etməyib amma ümumilikdə çox dəyərli kitabdır.
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ...
Davamını oxu