Kuki - Куки - Cookie

                Qulluqçusu Çinə deportasiya olunmuş cazibədar stüardessa Adelinin öhdəsində onun (qulluqçunun) övladı qalır. Çox qəribə bir vəziyyətə düşsə də, ailəsi və bəzi dostları sayəsində Kukinin anasının axtarışına çıxırlar. Nəticədə isə ortaya çıxan detalları ilə obrazların daxili dünyalarını və onların mürəkkəb münasibətlərini izləyiciyə təqdim edən mehriban, sevimli, maraqlı və maceravi bir film yaranır.

         Təsadüfi hadisələr zənciri uşağı anasından ayrı salaraq yad bir yerdə yalnız qoyur. Gördüyümüz kimi  mövzu yeni olmasa da, hər bir mövzu öz-özlüyündə individual və maraqlıdır. “Kuki”-də isə çox az filmə xas olan istilik, səmimiyyət məni cəlb etdi. Filmdə rahatlıq hiss edəndə ondan maksimum faydalanıram.

         Lea Fazerdə (rejissorda) hər şey alınıb. Nə qədər çox filmi izləyirsənsə bir o qədər filmin dünyasına və olmazsa olmaz münasibətlər fonunda təsvir olunan psixoloji xırdalıqlara  qərq ola bilirsən. Aktrisalar Eli Taloni (Adel) və Virciniya Efira (Delfin) rolların öhdəsindən yüksək səviyyədə gəliblər və qeyd edim ki, çox gözəldirlər. Həm bacıların (Adel və Delfin bacıdırlar), həm də balaca çinli oğlanın-Kukinin filmdəki münasibətləri insanda isti hisslər oyadır və başa düşürsən ki, həm Kuki həmyaşıdları kimi kaprizli, ərköyün və dəcəl deyil, həm də bacılar bir-birilərini dərin sevgi ilə sevirlər.

         Hər bir epizodun öz sehri olsa da, sonluq təsiredici və “həppi”-dir. İzləməyə dəyər.