Evə aparan yol - Way back home

Zaman-məkan kəsiyində təsadüflər olmasa da, saflıq və ürəyi təmizliyinə görə aldanaraq narkotik ticarətində günahlandırılan və buna görə də bir zamanlar şirin xəyalları olan yerdə (məkanda) uzun müddət ailəsindən ayrı qalaraq (zaman) həbsxanaya düşən evdar bir qadının ürək ağrıdan təsiredici həyat dramı. Onun dünyası bir andaca, hər şeyin yaxşı olduğu vaxtda dəyişdi – qaraldı. Ailəsi ilə avto-təmir emalatxanasıda çalışan, çətin olsa belə, xoşbəxt olan ata və ana çox çətin vəziyyətə düşürlər. Gözlənilməz hadisələrin nəticəsində maddi yoxsulluq əllərindən hər şeyi alır və çox çətin sınaqlar başlayır.

 

         Maddi imkansızlığa görə qeyri-müəyyən təklifə razılıq verən sadəlövh ana obrazı, ailəsinin xeyri naminə olduqca böyük iztirablardan keçir. Deyərdim ki o, bütün bunlardan heç bir günahı olmaya-olmaya keçir, lakin insanın təmizliyinə və vicdanına bir baxın ki, məhkəməsində özünü günahkar hesab edir. Halbuki əclaf tanışı tərəfindən aldadılıb və pis vəziyyətdə tərk edilib.

         Film çox uğurlu komanda işinin nəticəsidir ki, izlədikcə izləyicinin hissləri (əgər varsa), sözün həqiqi mənasında, özlərini biruzə verirlər. Yuxuda olarkən siz müxtəlif qorxulu yuxu və kabuslar görə bilərsiz, amma inanın ki oyaq vaxtı onlardan da qorxulu şeylər baş verə bilər. Ailəsi və uşağı olan insanlar üçün çox-çox uzaqlara aparılaraq  onları itirmək və onları görmək üçün sadəcə ümid etmək ən böyük əzabdır-cəhənnəmdir.

Belə mövzularda çəkilən film və kitabların əhəmiyyəti ondan ibarətdir ki, biz mövzu – problem çərçivəsində virtual təsəvvürə sahiblənirik. Bu da öz növbəsində bizdə təcrübə artımına və həyatımızda olan məsələlərə differensial münasibətə səbəb olur.