Tokyo Story
Təqdimat: Yaşlı cütlük, həkim
olmuş oğullarını və gözəllik salonu açmış qızlarını görmək üçün Tokyoya gedirlər.
Uşaqlar valideynləri ilə maraqlanmaq üçün çox məşğuldurlar. Ona görə də onları
kurorta göndərirlər. Səs-küylü kurort gecəsindən sonra cütlük Tokyoya qayıdır.
Evə qayıtmazdan bir gün əvvəl ana dul qalmış gəlini və ata isə içkiyə düşgün
köhnə dostları ilə vaxt keçirirlər. Üzücü bir vəziyyət yaranır ki, yaşlı cütlüyə
doğma övladları deyil, dul qalmış gəlinləri şəfqət, diqqət və qayğı göstərir.
Bir müddət sonra uşaqların valideynlərini yad etməyə səbəbləri olacaq, amma o
vaxtadək, bütün emosional bağlar qırılacaq.
.jpg)
Təəssüratlarım: Film vasitəsiylə
biz, 50-ci illərin sürətlə kapitalistləşən Yaponiyasını görürük. Olduqca
maraqlıdır. Bir tərəfdə tələsməyən, daxili sülhə, paklığa və sevgiyə sahib iki
yapon insanı, digər tərəfdə isə həmişə tələsən və eqoist qərb insanına çevrilən
yapon insanları. Köhnə və yeni nəsl. Əslində isə filmin mövzusu beynəlmiləldir.
Film üç nəslin bir-biri ilə qarşılıqlı münasibətindən bəhs edir: valdieynlər,
uşaqlar və nəvələr. Dil, din və irq fərqi olmadan hər yerdə rastalanan vəziyyətdir.
Buna baxmayaraq məhz yapon kaloriti filmi özünəməxsus edir. Bir çoxlarını
filmin xronometrajı qorxuda bilər. Təkcə də bu da deyil. Film çox sakit, başqa
sözlə qeyri-dinamikdir. Bir çox epizodlarda filmin obrazları sadəcə oturub söhbət
edir, özləri ilə təklikdə qalırlar. Dinamik, xırdalıqlar cəhətdən zəngin və hərəkətli
filmlərə öyrəşənlər üçün, «Tokyo Story» darıxdırcı gələ bilər. Şəxsən mən belə
hesab edirəm ki, çox sözə ehtiyac yoxdur. Film meditasiya kimidir.
Bənzər yazılardan:
Comments
Post a Comment