Skip to main content

Ronda Bern - The Secret

 İnsan şüurunun təsəvvür edə bildiyi hər şeyi, eyni zamanda o əldə də edə bilər. («Все, что человеческое сознание способно вообразить, оно способно и получить»).
         Yuxarıdakı fikri kitabın əsas məğzi hesab etmək olar. İnsan istədiyi hər şeyi əldə edə bilər. Kitabın 215 səhifəsi bu fikri həyatın hər aspektindən izah edir: xoşbəxtlik, sağlamlıq, bəxt, zənginlik. Ronda Bern, «sirr»in izinə, yaşadığı bir çox dərdlərdən sonra düşmüşdür. O, bütün dünyada sirri bilən insanları axtardı və tapdı. Kitabda uğurunun sirrini bölüşməyə hazır olan insanların müsahibələri yer alıb.
         Şəxsi düşüncələrim və təcrübələrim: İlk öncə kitabı və filmi izlədikdən sonra insan optimizm pristupu yaşayır. Bizə çox çətin və ağır təqdim olunan bu dünyanın iş prinsipləri əslində çox daha sadə və əziyyətsiz imiş. Bu fikrə mən hələ qayıdacam. İkinci növbədə isə, kitabda (eyni zamanda filmdə) arzulamağın qısa və konkret alqoritmi təsvir olunub. Bu çox şeyin açarıdır, həllidir. Xüsusiylə Ələddinin cini ilə əlaqədar olan epzidou həddindən artıq bəyəndim. Kainat bizim istəklərimizi Ələddinin cini kimi reaksiya verir: «Sənin istəyin mənim üçün qanundur!» Üçüncü çox önəmli məqam isə, məktublarla olan epizodlardır və orada kitabda nəzəri olaraq təqdim olunan məlumatların əyani sübutu ilə rastlaşırıq.
         Ümumiyyətlə bir çox qaynaqlarda bir-birinə bənzər bir çox məlumatlar oxumuşam ki, zaman keçdikcə insanın özünə ayırdığı vaxt azalır. Pul qazanmaq üçün insanlar vaxtlarının çoxunu iş yerlərinə sərf edirlər və hətta ikinci, üçüncü işlərlə məşğul olub ən böyük səhvə - işi evə daşımağa da razı olurlar. Əlbəttə pul qazanmaq lazımdır, amma əgər insanın övladı varsa, ona vaxt ayırıb, onu sağlam formada cəmiyyətə də qazandırmalıdır. Eyni zamanda özünün də psixoloji gigiyenasının qayğısına qalmalıdır. Qaldı ki, yuxarıda qeyd etdiyim dünyanın iş prinsiplərinə, burdan belə bir nəticə çıxa bilər ki, əslində hər şey mütləq asanlıqla olmalıdır. Halbuki, müdriklər insanın ağrı və zəhmətlə inkişaf etdiyini deyirlər. Əziyyət çəkmək və onu təsəvvür gücümüzlə dəstəkləmək inanılmaz möhtəşəm nəticələr səbəb ola bilər. Yoxsa qaldı ki, sırf ancaq gecə-gündüz təsəvvür edib nəticə gözləmək, bu ancaq tənbəl adamların işidir. Tənbəllik təsəvvür gücünün sayəsində aradan qalxa bilər. Sözün düzü, tənbəl insanların təsəvvür gücünün inkişaf etdiyinə çox da inanmıram.
Ronda Bern
         Şəxsən mən The Secretin gücünə səmimi qəlbdən inanıram. Çünki geriyə dönüb baxanda bir çox şeylərə nail olduğumu görürəm. Eyni zamanda gəlcəkdə nail olacağım şeyləri də bu gündən görürəm. Fikirlərimiz maddiləşir və biz fikirlərimzlə ehtiyatlı olmalı və səhvə yol verməməliyik. Bunun üçün bizim kifayət qədər bələdçimiz var.
         Müxtəlif cəbhələrdən olan münasibətlər: Bir çoxları sirrə inanmırlar. Qərbin növbəti transsörfinqi ya da marketoloqların uydurması kimi yanaşırlar. Burada haşiyə açıb demək istərdim ki, bəli, rəqabətcil qərb cəmiyyətinin müasir biznes fəlsəfəsi kifayət qədər qeyri-insani və çox çox eqoistdir. Karl Marksın yadlaşma konsepsiyası özünü bu gün bütün çılpaqlığı ilə göstərir, amma The Secreti biznes fəlsəfəsi kimi deyil, sırf həyat fəlsəfəsi kimi anladıqda, onu həm sağlamlığa, həm ailə münasibətlərinə, həm iş həyatına həm də şəxsi inkişafa yönəltmək olar. Necə deyərlər, nə qədər insan varsa, o qədər də şərh var. Mənim eləcə də sənin şəxsi optimizmin çoxlarına qıcıqlandırıcı gələ bilər, amma unutma ki, əsas sənin özünsən. Bu elə bir şeydir ki, bunu sınamaqla insan heç nə itirmir, əksinə qazanır. Bəzi qatı və radikal dindarlar bunun tamamilə əhəmiyyətsiz olduğunu və hər şeyin uca Allahın əlində olduğunu deyirlər. Mən də Allaha inanıram, amma eyni zamanda ona da inanıram ki, o, mənim xoşbəxt olmağımı istəyir və bunun üçün mənə çoxlu imkanlar bəxş edib. Mən bu imkanlardan istifadə etməsəm, israfçılığa yol vermiş olmarammı?

Biz istədiyimiz bəzi şeylərə ona görə sahib deyilik ki, biz onlara təsəvvürlərimizdə sahib deyilik. Seçimini et əziz dost.

Comments

Popular posts from this blog

Herbert George "H.G." Wells - İnvisible Man - Görünməz Adam

Herbert George Wellsi yaxşı tanıyıram. Bir əsərini oxumuş, bir digər əsəri əsasında çəkilmiş bir filmə baxmışam. Özünəməxsus üslubu olan bu yazıçı Sci Fi janrında, yəni elmi fantastika janrında yazıb yaratmışdır. Yazdığı əsərlər çox maraqlı, həyəcanverici, düşündürücü və yadda qalandır. 
Kitabın arxa üzündən: Soğuk bir kış günü,kimselerin uğramadığı Iping Kasabasına karlar arasından,sargılar içinde en ufak yeri bile görünmeyen tuhaf bir yabancı çıkagelir.Kimdir bu yabancı?Kendi halinde deneyleriyle uğraşan bir bilimadamı mı,polisten kaçmaya çalışan bir kanun kaçağı mı,yoksa bütün o giysilerin altında bombalar taşıyan bir şüpheli mi?...Hem bilim kugu hem de Wells'in başyapıtlarından biri...
Fikirlərim: Məncə klassik olan bu əsəri elmi-fantastik ədəbiyyatla maraqlanan, ona yüksək dəyər verən hamı oxumalıdır. Yazıçının uğuru insanın gizlətməyi bacardığı hisslərin və psixologiyanın oxuyuculara böyük ustalıqla çatdırmasıdır. Ona görə də onun əsərlərini psixolojik də hesab etmək olar. İns…

Xalid Hüseyni - Min Möhtəşəm Günəş

Kitabın ingiliscə adı:Khaled Hosseini - A Thousand Splendid Suns Kitabın rusca adı:Халед Хоссейни - Тысяча сияющих солнц Kitabın türkcə adı: Khaled Hosseini - Bin Muhteşem Güneş
Təqdimat: Sevgi – böyük hissdir. Öz saatını, zamanını gözləyən böyük, sirli və dərin sığınacaq... Xalid Hüseyninin 2007-ci ildə dünya miqyaslı bestseller olan «Min möhtəşəm günəş » məhz bu mövzuya aiddir.

Aleksandr Belyayev - Amfibiya adam

Александром Беляев - Человек-амфибия
"Amfibiya adam" Aleksandr Romanoviç Belyayevin ən tanınmış əsəridir. Bu möhtəşəm əsərdə həm quruda, həm də suda yaşamağı bacaran və bu bacarığına görə "Dəniz İblisi" adlandırılan  İxtiandr adlı gəncin həyatından bəhs olunur. İstedadlı cərrah Salvator, İxtiandra köpək balığının qəlsəmələrini köçürmüşdür. Hadisələrm Argentinada, Atlantik Okeanının sahillərində cərəyan edir. 
...Artıq xeyli müddətdir ki, şayiə yayılıb ki, dənizdə "Dəniz İblisi" var. O bir çox şeyə zərər vurub - torları kəsir və balıqları qayıqlardan suya qaytarırdı. Eyni zamanda belə bir şayiə də var idi ki, o kimisə köpək balığının cəngindən xilas etmişdi. "Dəniz İblisi"-ndən qəzetlər yazırdı və varlığını təkzib edən elmi ekspedisiya da təşkil edilmişdi, lakin mövhumatçı ispanları və hindliləri inandırmaq mümkün olmamışdı. İnsanlar xeyli müddət dənizdən kənar gəzməyə çalışdılar. Balıq, ən əsası isə mirvari ovu azaldı. Bu da "Meduza"-nın…