Good Will Hunting



Riyaziyyatı yaxşı bacaran insanlara böyük hörmətim var. Əgər bunu bacaran insan üstəlik dahidirsə ondan soruşacağım çox şey olar. Will Hunting cəmiyyətdə mövcud olan bir çox avara adamlardandır. Buna baxmayaraq avaralardan fərqli olaraq onun ilahi vergisi var ki, bu da riyaziyyatdır.
Film dahiyanədir. Bir tərəfdən o çox sadə digər tərəfdən çox mürəkkəbdir. Avara dahiyə necə kömək edəsən ki, o özünü həyatda itirməsin? Necə eliyəsən ki, o özündə bu vergini məhv etməsin? Ona müəllim, yol göstərən və dəstək verən lazımdır. Bunları isə mənim ən sevdiyim aktyor olan Robin Williamsın baş rolda canlandırdığı obraz  (Şon)yerinə yetirir. Ona kömək edir ki, öz yolunu tapsın.

  Filmdə aktyorların canlandırdığı inanılmaz super insanlar var. Huntinqin bəxti gətirib ki, belə insanların əhatəsinə düşüb. Mən də elə insanların əhatəsinə düşmək istərdim. Bəlkə avara olum? :))) Məncə Robin Williamsın canlandırdığı Şon adlı ekspert Huntinqin qoruyucu mələyidir. İstədiyi qız isə xaricən çox göəzl olmasa da daxili zənginliyi, onun şəxsiyyətinin göstəricisidir və elə bir insanla həyatı bölüşmək böyük xoşbəxtlikdir.Film ilk növbədə əla senari, ikinci növbədə əla aktyor performansı ilə diqqəti cəlb edir. Mett Deymon Huntinq rolunu yaxşı canlandırıb. Psixoloji motivlərlə zəngin olan epizodlar da var. Xüsusiylə sonda. Hamıya filmə baxıb zövq almağı arzulayıram.                                                                                                                                                                                  


Comments

Popular posts from this blog

Kerol S. Duek - Düşüncə tərzi: uğurun yeni psixologiyası

Ziqmund Freyd - Yuxuların yozumu

Corc Oruell - 1984

Janrlar və mən

Kamal Abdulla - Sehrbazlar dərəsi