Skip to main content

Aleksandr Belyayev - Qiyamət günü

RUS: Александр Беляев - Светопреставление

Marambl siqareti ağzına qoyur və onu yandırır. O, yaxşı başa düşür ki, elə indicə kibriti alışdırdı və alovlanmanın xışıltılı səsini eşitdi, amma niyə görəsə alovun özünü görə bilmədi. Maramblın eşitməsi onu aldada bilməzdi. Kibriti əlində tutub-saxlamışdı ki, birdən od əlini yandırdı...

Yuxarıdakı epizod bizə Aleksandr Belyayevin növbəti maraqlı əsəri haqqında qeyri-müəyyən və bulanıq təsəvvürə malik olmağa yardım edir. Həmişə ekstravaqant elmi-fantastik mövzulara həyat verən Belyayev, bu dəfə işığın hərəkət sürətində baş verən dəyişiklik və onun cəmiyyətlərin həyatına etdiyi təsirdən bəhs edir. Həmişəki kimi Belyayev bu dəfə də müxtəlif ictimai sferaları kəsişdirir. Ondan oxuduğum əsərlərdə həmişə "miks"lərlə qarşı-qarşıya oluram. Siyasət, iqtisadiyyat, elm, din və digər sferalar bir-birinin içinə girib maraqlı süjet əmələ gətirir. "Qiyamət günü" də bu qəbildən əsər hesab edilməli olsa da, çox vaxt bu roman həm Rusiyada, həm də digər Belyeyevsevər ölkələrdə diqqətdən bir qədər kənarda qalır. 

Əsərin qiyamət günü adlandırılması insanların anlaya bilmədikləri fenomen ilə qarşılaşmaqları səbəbindəndir. Belə ki, ətraf-aləmdə hadisələr baş verir, lakin gecikmə ilə. Təsəvvür edin siz oturacaqdan qalxıb başqa bir oturacaqda oturursunuz, amma bu hadisə əslində 3-4 dəqiqə bundan öncə baş verib. Nəticədə kölgələrin gəzişdiyi bir dünya əmələ gəlir. Bütün bu anomaliyanı fonunda Belyayev bir qədər maraqlı süjet xətti yaratmaq istəsə də, deməzdim ki, bu dəfə uğurlu alınıb. Bəlkə də onun yaşadığı illərdə cəmiyyətlərdə baş verənlər təsvir olunanlar kimi sadə və səmimi idi, amma az qala 100 il sonra belə şeylər oxumaq istər-istəməz müasir oxucularda klişe hislər oyada bilər. Bunu nəzərə almaqda fayda var. Amma təbii ki, öz-özlüyündə "Qiyamət günü" tipik Aleksandr Belyayev dəst-xətii ilə bəzənmiş özünəməxsus Sovet elmi-fantastika nümunəsidir. 

Comments

Popular posts from this blog

Herbert George "H.G." Wells - İnvisible Man - Görünməz Adam

Herbert George Wellsi yaxşı tanıyıram. Bir əsərini oxumuş, bir digər əsəri əsasında çəkilmiş bir filmə baxmışam. Özünəməxsus üslubu olan bu yazıçı Sci Fi janrında, yəni elmi fantastika janrında yazıb yaratmışdır. Yazdığı əsərlər çox maraqlı, həyəcanverici, düşündürücü və yadda qalandır. 
Kitabın arxa üzündən: Soğuk bir kış günü,kimselerin uğramadığı Iping Kasabasına karlar arasından,sargılar içinde en ufak yeri bile görünmeyen tuhaf bir yabancı çıkagelir.Kimdir bu yabancı?Kendi halinde deneyleriyle uğraşan bir bilimadamı mı,polisten kaçmaya çalışan bir kanun kaçağı mı,yoksa bütün o giysilerin altında bombalar taşıyan bir şüpheli mi?...Hem bilim kugu hem de Wells'in başyapıtlarından biri...
Fikirlərim: Məncə klassik olan bu əsəri elmi-fantastik ədəbiyyatla maraqlanan, ona yüksək dəyər verən hamı oxumalıdır. Yazıçının uğuru insanın gizlətməyi bacardığı hisslərin və psixologiyanın oxuyuculara böyük ustalıqla çatdırmasıdır. Ona görə də onun əsərlərini psixolojik də hesab etmək olar. İns…

Xalid Hüseyni - Min Möhtəşəm Günəş

Kitabın ingiliscə adı:Khaled Hosseini - A Thousand Splendid Suns Kitabın rusca adı:Халед Хоссейни - Тысяча сияющих солнц Kitabın türkcə adı: Khaled Hosseini - Bin Muhteşem Güneş
Təqdimat: Sevgi – böyük hissdir. Öz saatını, zamanını gözləyən böyük, sirli və dərin sığınacaq... Xalid Hüseyninin 2007-ci ildə dünya miqyaslı bestseller olan «Min möhtəşəm günəş » məhz bu mövzuya aiddir.

Aleksandr Belyayev - Amfibiya adam

Александром Беляев - Человек-амфибия
"Amfibiya adam" Aleksandr Romanoviç Belyayevin ən tanınmış əsəridir. Bu möhtəşəm əsərdə həm quruda, həm də suda yaşamağı bacaran və bu bacarığına görə "Dəniz İblisi" adlandırılan  İxtiandr adlı gəncin həyatından bəhs olunur. İstedadlı cərrah Salvator, İxtiandra köpək balığının qəlsəmələrini köçürmüşdür. Hadisələrm Argentinada, Atlantik Okeanının sahillərində cərəyan edir. 
...Artıq xeyli müddətdir ki, şayiə yayılıb ki, dənizdə "Dəniz İblisi" var. O bir çox şeyə zərər vurub - torları kəsir və balıqları qayıqlardan suya qaytarırdı. Eyni zamanda belə bir şayiə də var idi ki, o kimisə köpək balığının cəngindən xilas etmişdi. "Dəniz İblisi"-ndən qəzetlər yazırdı və varlığını təkzib edən elmi ekspedisiya da təşkil edilmişdi, lakin mövhumatçı ispanları və hindliləri inandırmaq mümkün olmamışdı. İnsanlar xeyli müddət dənizdən kənar gəzməyə çalışdılar. Balıq, ən əsası isə mirvari ovu azaldı. Bu da "Meduza"-nın…