Skip to main content

Rezonansda terror/ Terror in Resonance

Tokyo silsilə terror hadisələri ilə silkələnir. Terrorçular "Sfinks 1" və "Sfinks 2" adlı obrazlardır. Onlar sosial şəbəkəyə yerləşdirdikləri öz tapmacaları ilə tanınmağa başlayıblar. Sfinksləri izlərinə düşən Sibadzaki adlı polisdən yaxşı başa düşən yoxdur. 

Vizual baxımdan olduqca yüksəkkeyfiyyətli olan "Rezonansda terror" animesi sabit təhrikedici qüvvəsi və obrazların səthi çevrilmə prosesi ilə məndə orta dərəcəli təəssüratlar oyatdı. Animenin ən xarakterik xüsusiyyəti kimi onun qəhrəmanlara deyil, antiqəhrəmanlara malik olmasını və izləyiciyə qarşı olduqca hörmətcilliyini göstərmək olar. Bu nə deməkdir? Bu o deməkdir ki, "Rezonansda terror" qeyri-real və səfeh elementlərdən arındırılmış struktura malikdir. Hər şey kifayət qədər konkret və dəqiqdir. Real Yaponiya, tamamilə normal ictimai həyat çərçivəsində təsvir olunan Tokyo, lakin öz keçmişi ilə hesablaşmaq üçün bu ölkəni hədələyən iki nəfər, nizam-intizamın kürkünə birə salmaq üçün kifayət edir. Özü də, əgər bu iki nəfər yaxın keçmişdə çox ciddi cinayət hadisəsinə yol verib, sudan quru çıxmağa müvəffəq olmuşdularsa, vəziyyət daha da ciddiləşir.  

Biz animenin sonuna qədər bu iki əsas antiqəhrəmanın nə istədiyini, niyə belə etdiyini başa düşmürük. Onlar terrorçudurlar, amma öz məqsədlərini çox xüsusi formada və tərzdə icra edirlər. Başqa sözlə, onlar heç də adi terrorçu təəssüratı bağışlamırlar. Hər şey çox qəribədir. Buna baxmayaraq, "Rezonansda terror" animesini digər animelərlə qohum edən xarakterik xüsusiyyətlər də əskik deyil. Məsələn, bu animedə də obrazlararası kəskin kontrast mövcuddur. Rejissor bu üsuldan istifadə edərək izləyicini müəyyən gərginlik və aktivlik səviyyəsində saxlamaq istəyir. Nayn təmkinli, ələkeçməz, sirli, Tvelv, sərbəst, rahat, riskə gedən, Liza Misima isə zəif və əzgindir. Fayv kimi obraz da münaqişə və intriqa yaradır. Bir-biri ilə üzləşməyə can atmayan iki cəbhə olmasa, süjet natamam olar, elə deyilmi?. Ona görə də, "Rezonansda terror" animesində təkcə fərqli özəlliklər yox, həm də digər animelərlə kəsişən xüsusiyyətlər də kifayət qədər var. 

Məni narazı saxlayan ən əsas məsələ o oldu ki, anime normal sonlanmadı. Boşluqların lazımi dərəcədə doldurulmaması yekun qərar verməkdə çətinlik törədir. Nə qədər gözlədimsə də ki, suallarıma cavab tapım, olmadı. Özü də bəzi səhnələr absurd idi, heç bir əlavə dəyər yaratmırdı və məntiqi ardıcıllığı tamamlamırdı. Süjetin özü  belə çox aşağı meyl bucağı ilə irəliləyirdi. Ümumilikdə pis anime təcrübəsi olmasa da, son zamanlar izlədiyim və çox bəyəndiyim "Tokyolu qhul", "Parazit""Qara laqun" kimi animelərlə müqayisədə yaman sönük qaldı. 

Comments

Popular posts from this blog

Herbert George "H.G." Wells - İnvisible Man - Görünməz Adam

Herbert George Wellsi yaxşı tanıyıram. Bir əsərini oxumuş, bir digər əsəri əsasında çəkilmiş bir filmə baxmışam. Özünəməxsus üslubu olan bu yazıçı Sci Fi janrında, yəni elmi fantastika janrında yazıb yaratmışdır. Yazdığı əsərlər çox maraqlı, həyəcanverici, düşündürücü və yadda qalandır. 
Kitabın arxa üzündən: Soğuk bir kış günü,kimselerin uğramadığı Iping Kasabasına karlar arasından,sargılar içinde en ufak yeri bile görünmeyen tuhaf bir yabancı çıkagelir.Kimdir bu yabancı?Kendi halinde deneyleriyle uğraşan bir bilimadamı mı,polisten kaçmaya çalışan bir kanun kaçağı mı,yoksa bütün o giysilerin altında bombalar taşıyan bir şüpheli mi?...Hem bilim kugu hem de Wells'in başyapıtlarından biri...
Fikirlərim: Məncə klassik olan bu əsəri elmi-fantastik ədəbiyyatla maraqlanan, ona yüksək dəyər verən hamı oxumalıdır. Yazıçının uğuru insanın gizlətməyi bacardığı hisslərin və psixologiyanın oxuyuculara böyük ustalıqla çatdırmasıdır. Ona görə də onun əsərlərini psixolojik də hesab etmək olar. İns…

Xalid Hüseyni - Min Möhtəşəm Günəş

Kitabın ingiliscə adı:Khaled Hosseini - A Thousand Splendid Suns Kitabın rusca adı:Халед Хоссейни - Тысяча сияющих солнц Kitabın türkcə adı: Khaled Hosseini - Bin Muhteşem Güneş
Təqdimat: Sevgi – böyük hissdir. Öz saatını, zamanını gözləyən böyük, sirli və dərin sığınacaq... Xalid Hüseyninin 2007-ci ildə dünya miqyaslı bestseller olan «Min möhtəşəm günəş » məhz bu mövzuya aiddir.

Aleksandr Belyayev - Amfibiya adam

Александром Беляев - Человек-амфибия
"Amfibiya adam" Aleksandr Romanoviç Belyayevin ən tanınmış əsəridir. Bu möhtəşəm əsərdə həm quruda, həm də suda yaşamağı bacaran və bu bacarığına görə "Dəniz İblisi" adlandırılan  İxtiandr adlı gəncin həyatından bəhs olunur. İstedadlı cərrah Salvator, İxtiandra köpək balığının qəlsəmələrini köçürmüşdür. Hadisələrm Argentinada, Atlantik Okeanının sahillərində cərəyan edir. 
...Artıq xeyli müddətdir ki, şayiə yayılıb ki, dənizdə "Dəniz İblisi" var. O bir çox şeyə zərər vurub - torları kəsir və balıqları qayıqlardan suya qaytarırdı. Eyni zamanda belə bir şayiə də var idi ki, o kimisə köpək balığının cəngindən xilas etmişdi. "Dəniz İblisi"-ndən qəzetlər yazırdı və varlığını təkzib edən elmi ekspedisiya da təşkil edilmişdi, lakin mövhumatçı ispanları və hindliləri inandırmaq mümkün olmamışdı. İnsanlar xeyli müddət dənizdən kənar gəzməyə çalışdılar. Balıq, ən əsası isə mirvari ovu azaldı. Bu da "Meduza"-nın…