Skip to main content

Cessika Heqi - Necə maraqlı olmaq olar? 10 sadə addım

ENG: Jessica Hagy - How to Be Interesting: An Instruction Manual
RUS: Джессика Хэги - Как быть интересным: 10 простых шагов

Belə tip kitabların oxcunun həmin andakı əhval-ruhiyyəsi ilə səsləşməyi çox vacib amildir. Məsələn, mən "Necə maraqlı olmaq olar? 10 sadə addım" kitabını 5 ballıq şkala üzrə 3 ilə qiymətləndirdim. Deməzdim ki, bu qiymət çox aşağıdır. Kitabdan normal təəssürat aldığımı və onu adekvat hesab etdiyimi bildirir. Məsələn, absurda düşdüyüm və ya pessimizm püskürdüyüm ərəfədə kitabı oxusa idim, kitab haqqında heç kimdən çəkinmədən ağzıma gələni deyərdim. Lakin bu dəfə neytral əhvalda gerçəkləşən mütaliə mənə imkan verdi ki, müəllifin maraqlı ideyaları ilə tanış olum və razılaşdığım fikirlərini yadda saxlayım. Bu baxımdan kitab mənim üçün faydalı qiraət oldu.

Xanım Heqi özü elə belə adam deyil. Forbesdə həftəlik "Necə maraqlı olmalı" başlığı ilə müxtəlif bloqerlik fəaliyyətləri ilə məşğul olurdu. Paylaşımları olduqca böyük maraqla qarşılanır və dərhal da da sosial mediada meşə yanğını kimi yayılırdı. Bu kitabı ilə də, bir növ, öz ideyalarını daha da dərindən araşdırıb və universal formaya salaraq geniş oxucu kütləsi ilə paylaşıb. Kitabın mahiyyəti kifayət qədər sadədir: insanlara elə məsləhətlər verməyə çalışır ki, müxtəlif insanlar yad kəslərlə daha tez qaynayıb-qarışsınlar, onlara təsir etsinlər və öz unikallıqlarının fərqinə varsınlar. Təbii ki, narazılıqlarım da var. 

Narazılıqlarım əsas onun klişe hissələri ilə əlaqədardır. Yəni "Real həyatın içində olun", "Maraqlı insanlarla tanış olun", "Sadə olun" və ya "Titullar haqqında unudun" tipli cümlə-məsləhətlər Marsdan gələn yadplanetlilərin insan cəmiyyətinə uyğunşalması və sosiallaşmağı üçün dəyərli yöngöstərici fikirlər ola bilər, amma ali təhsil, hərbi xidmət, iş həyatı və səyahətlər görmüş bir gənc üçün bunlar söz yığınıdır. Müasir insan üçün belə yazıların əhəmiyyəti yoxdur. Başa düşmək olar ki, janrın, yəni şəxsi inkişaf kitablarının əsas xüsusiyyəti odur ki, o insanlara qısa, hazır və konkret məsləhətlər bildirsin. Çünki insanlar hər şeyi "bişmiş" əldə etmək istəyirlər. Şəxsi inkişaf kitabları çox nadir hallarda insanları düşündürür və ya düşünməyə çağırış edir. Əksinə, hazır loxmalarla boğazı tıxayır. 

Narazılıqlarım olsa da, kitabın qane edən məqamları da var. Həmin məqamlar əsasən motivasiyaverici xüsusiyyətlərlə ilə əlaqədardır. Məsələn, "Hələ sağsınızsa, deməli nələrisə dəyişdirə bilərsiniz" və "Dünyada normal insanlar yoxdur" tipli cümlələr simamda tez-tez təbəssüm oyadırdı və "çox problemli" hesab etdiyim şeylərə daha sadə yanaşmağıma stimul verirdi. Müəllif nəinki bu cümlələrlə həqiqəti deyir, həm də oxucunun sosiallaşmaq yönündə cəsarətləndirir (əgər buna ehtiyac duyursunuzsa).

Maraqlı insan olmağı öyrənmək mümkündür və lazımdır. Əgər fərd sosial mühitin fəal iştirakçısı olmaq istəyirsə, onda qələbəliyin qaydalarına hörmət etməlidir. Həqiqətən də insanlara təsir etmək və onları təəccübləndirməyi bacarmaq kifayət qədər böyük işdir. Bu sizi maraqlı insan edə bilər. Buna ehtiyacınız varsa, "Necə maraqlı olmaq olar? 10 sadə addım" müəyyən səviyyədə faydalı ola bilər. Qələbəliyin normalarını dəyişdirənlər isə həqiqi liderlərdir. Maraqlı insan olmaqla, lider olmaq ayrı-ayrı şeylərdir. Belə bir fərqə toxunulsaydı və üstəlik də insanların şəxsiyyət tipləri ilə müəyyən əlaqələr yaradılsa idi, kitabı daha yüksək qiymətləndirmək olardı, amma müəllifin bu haqda məlumat verməsi və müəyyən təhlillər irəli sürməyi üçün tutumu az olub. 

Sonda, yadda saxlayın ki, ən əsas şey səmimi olmaqdır. Həm özümüzə qarşı, həm də ətrafımızdakı insanlara qarşı səmimi olsaq, həyatın nəbzini tutsaq və daxili aləmimizdə olanları xaricə çıxarmağa qorxmasaq, avtomatik olaraq elə maraqlı insan olmuş olacağıq. Düstürlarla və ya şablonlarla bunu icra etmək hamı üçün effektiv olmaya bilər. Özünə görə hamı maraqlı insandır. Hər bir halda, həqiqətən də maraqlı insan olmağa çalışmaq lazımdır. 

Comments

Popular posts from this blog

Herbert George "H.G." Wells - İnvisible Man - Görünməz Adam

Herbert George Wellsi yaxşı tanıyıram. Bir əsərini oxumuş, bir digər əsəri əsasında çəkilmiş bir filmə baxmışam. Özünəməxsus üslubu olan bu yazıçı Sci Fi janrında, yəni elmi fantastika janrında yazıb yaratmışdır. Yazdığı əsərlər çox maraqlı, həyəcanverici, düşündürücü və yadda qalandır. 
Kitabın arxa üzündən: Soğuk bir kış günü,kimselerin uğramadığı Iping Kasabasına karlar arasından,sargılar içinde en ufak yeri bile görünmeyen tuhaf bir yabancı çıkagelir.Kimdir bu yabancı?Kendi halinde deneyleriyle uğraşan bir bilimadamı mı,polisten kaçmaya çalışan bir kanun kaçağı mı,yoksa bütün o giysilerin altında bombalar taşıyan bir şüpheli mi?...Hem bilim kugu hem de Wells'in başyapıtlarından biri...
Fikirlərim: Məncə klassik olan bu əsəri elmi-fantastik ədəbiyyatla maraqlanan, ona yüksək dəyər verən hamı oxumalıdır. Yazıçının uğuru insanın gizlətməyi bacardığı hisslərin və psixologiyanın oxuyuculara böyük ustalıqla çatdırmasıdır. Ona görə də onun əsərlərini psixolojik də hesab etmək olar. İns…

Xalid Hüseyni - Min Möhtəşəm Günəş

Kitabın ingiliscə adı:Khaled Hosseini - A Thousand Splendid Suns Kitabın rusca adı:Халед Хоссейни - Тысяча сияющих солнц Kitabın türkcə adı: Khaled Hosseini - Bin Muhteşem Güneş
Təqdimat: Sevgi – böyük hissdir. Öz saatını, zamanını gözləyən böyük, sirli və dərin sığınacaq... Xalid Hüseyninin 2007-ci ildə dünya miqyaslı bestseller olan «Min möhtəşəm günəş » məhz bu mövzuya aiddir.

Aleksandr Belyayev - Amfibiya adam

Александром Беляев - Человек-амфибия
"Amfibiya adam" Aleksandr Romanoviç Belyayevin ən tanınmış əsəridir. Bu möhtəşəm əsərdə həm quruda, həm də suda yaşamağı bacaran və bu bacarığına görə "Dəniz İblisi" adlandırılan  İxtiandr adlı gəncin həyatından bəhs olunur. İstedadlı cərrah Salvator, İxtiandra köpək balığının qəlsəmələrini köçürmüşdür. Hadisələrm Argentinada, Atlantik Okeanının sahillərində cərəyan edir. 
...Artıq xeyli müddətdir ki, şayiə yayılıb ki, dənizdə "Dəniz İblisi" var. O bir çox şeyə zərər vurub - torları kəsir və balıqları qayıqlardan suya qaytarırdı. Eyni zamanda belə bir şayiə də var idi ki, o kimisə köpək balığının cəngindən xilas etmişdi. "Dəniz İblisi"-ndən qəzetlər yazırdı və varlığını təkzib edən elmi ekspedisiya da təşkil edilmişdi, lakin mövhumatçı ispanları və hindliləri inandırmaq mümkün olmamışdı. İnsanlar xeyli müddət dənizdən kənar gəzməyə çalışdılar. Balıq, ən əsası isə mirvari ovu azaldı. Bu da "Meduza"-nın…