7 Həyat

Filmin ingiliscə adı: 7 pounds

Filmin rusca adı: Семь жизней

İl: 2008

Janr: Drama

Filmin şüarı: Onlar tanış deyillər. Onların müxtəlif taleləri var. Lakin onların ümumi sirri var.

Rejissor: Gabriele Muccino

Aktyorlar: Will Smith, Rosario Dawson, Woody Harrelson

Mükafatlar: BET Award, Image Award,

Süjet – Keçmiş mühəndis Tim, etdiyi fatal səhvləri düzəltmək üçün inanılmaz bir səyahətə çıxır. Səyahət müddətində, birisi ölümcül xəstə olan və özünü qanadı qırılmış qız adlandıran Emili olmaq üzrə, 7 nəfəri axtarıb tapır. O, ən çətin suala cavab axtarır. Gözlənilmədən Tim qıza aşiq olur və bu da öz növbəsində onun ilkin planlarını pozur. Bəs yaxşı, Tim planlaşdırdığını edə biləcəkmi? Onun nə planlaşdırdığımı öyrənəndə isə çox təsirlənəcəksiniz. Hətta ola bilər ki, hisslərinizi cilovlaya bilməyib ağlayasız.

         Təəssüratlarım – İlk öncə filmin yarısına, sonra da digər yarısına baxmağı planlaşdırsam da, filmi izləməyə başlayan kimi bunun mümkün olmayacağını və sona qədər yayınmadan izləməli olduğumu başa düşdüm. Filmin ilk dəqiqələrindən yaranan müəmmalı və nə yaxşı, nə də pis nə isə söz verməyən atmosfer, yavaş-yavaş yerini baş verənlərin anlaşılması və proqnozların verilməsinə buraxır. Filmin ilk dəqiqələrində nə baş verdiyini anlamaq çətindir. Vəziyyətin belə olması güclü final üçündür. Filmin müsbət cəhətidir ki, son dəqiqələrə qədər hər şey tam mənsıyla aydın olmur.

         “7 həyat” filmi insanın ruhunu və dünyanı dərk etməsini dəyişdirən, silkələyən, insan fədakarlığı və rəşadəti haqqında güclü emosional filmdir. İlk dəqiqələrdən baş qəhrəmanın kədərli siması və gözləri, onun tragik keçmişinin xəbərçisidir. İzləyici başa düşür ki, bu insan ağrıyır, amma hansı səbəb ağrıdığını bilmir. Səbəbini biləndə isə, izləyici də ağrı hiss edir. Ağrını dayandırmaq üçün, Tim özünü cəzalandırmağı düşünür. Özünü cəzalandırarkən, 7 nəfərə hədiyyə verir. Bunu qeyri-adi üsulla edir. Tim elə bir vəziyyətdədir ki, o, artıq heç nəyi dəyişə bilmir və yaşamağa da davam edə bilmir. Lakin müvəqqəti də olsa, öz ağrılarını unudub ehtiyacı olan insanlara kömək edir.

         Filmi çox bəyənsəm də, sonunu ilk dəqiqələrdən hiss edə bildiyimə görə, müəyyən vaxtda, hətta, filmi izləmək qərarından daşınmaq da istədim. Əlbəttə ki, yaxış ki, sona qədər izlədim. Filmdə təsvir olunanlar real həyatda ola bilərmi? Ola bilər, amma fərqli, daha banal və sadə formada. Mən bu yazıda baş verən prosesləri açıb ağartmaq istəmirəm. Bu spoyler olar.

         Aktyorlar – Baş rolda Uill Smitdir. Çətin ki, bu rolu hər aktyor ifa edə biləydi. Rejissor da başa düşüb ki, belə ağır dramın öhdəsindən kim gələ bilər. Vudi Harrelsonun iştirakı ilə olan bir neçə böyük olmayan epziod bizi, mehriban və səbrli personajla qarşı-qaşıya qoyur.

         Bilirsinizmi?

1. 1.     Filmin personajlarından birisinin adı Ezradır. Ezra, ivrit dilindən tərcümədə, kömək, yardım mənasını verir.
2. 2.     Film müddətində baş qəhrəman Los Ancelsdə “Travel İnn” otelində qalır. “Memento” filminin baş qəhrəmanı da bu oteldə yaşayırdı.
3. 3.     Qbvriel Muççino və Uill Smitin birgə layihələrindən olan digər film “Xoşbəxtlik sorağında”-dır  (The Pursuit of Happiness”).
4. 4.     Baş qəhrəmanın qardaşı roluna aktyoru, Uill Smit özü seçib.
5. 5.     Super marketlərin birində, Ezra fortepianoda Mozartın “Fantaziya Re-minor”-unu ifa edir.