Edward Luce - Tanrılara Rəğmən Hindistanın Fövqəl İnkişafı

Edward Luce

         Bu yaxınlarda internetdə maraqlı bir kitab özətinə rast gəldim. Bu kitab mənim həm fəlsəfi-dini görüşləri, həm də iqtisadi-siyasi durumu ilə mütəmmadi olaraq maraqlandığım nəhəng Cənubi Asiya ölkəsi olan Hindistan haqqında idi. Kitabın adı çox diqqət cəlb edəndir: Tanrılara rəğmən Hindistanın fövqəl inkişafı. Dünya iqtisadiyyatı ilə az da olsa maraqlananlar bilir ki, son 15 ildə Hindistan, dünyanın ən ucuz intellektual qüvvəsinə sahiblənməyi bacarmış, xidmət sektorunda böyük nəaliyyətlər əldə etmiş və çox önməli tərəqqilər nümayiş etdirə bilmişdir. Hindistan həmişə özünəməxsus coğrafi məkan olmuşdur. Bəşər sivilizasiyasına çox tövhələr verməyi bacarmış və tarixdə bir çox iz buraxmışdır. Mən həmişə demişəm və yenə də deyirəm: Hindistan elə-belə yer deyil!

Bu gün həm Hindistanı, həm də Çini geri salan onun əhalisinin bu qədər çox olmağıdır. Çin müəyyən uğurlar əldə etsə də, Hindistan ailə planlaşdırmasını uğurla yerinə yetirrə bilmir. Kitab özəti 37 səhifə olsa da, kitabın özü qədər məlumat sizə təqdim edir. Kitabda Hindistanın siyasi və iqtisadi, sosial-ictimai həyatı haqqında olduqca maraqlı məlumatlar var. Siyasi sahədə diktatorluqdan tutmuş liberallığa qədər gəldiyi yol, ictimai həyatda məmurların özbaşınalığı və rüşvətxorluq, iqtisadi həyatda isə əldə etdiyi nəaliyyətlər və uğursuzluqlar haqqında olduqca maraqlı və geniş məlumatlar var. Kitab özətində aşağıdakı başlıqlar və bizlərə təqdim etdiyi məlumatlar var:

1.     “Hindistanın şizofrenik iqtisadiyyatı” başlığı altında biz, uğursuz və lazımsız layihələrin Hindistana vurduğu zərərləri,

2.  “Dövlətin uzun qolları” balığı altında, dövlət məmurlarının özbaşınalığı,

3.  “Aşağı kastların yüksəlişi” başlığı altında, Hindistanın kast təkamülü haqqında,

4.   “Dinməyən təhdit: hindu milliyətçiliyi” başlığı altında, RSS və BJP adlı milliyətçi və deyərdim ki, faşist təşkilatların qeyri-hindullara, xüsusiylə də, müsəlmanalara qarşı olan nifrətini (hərgah ki, belə tip təşkilata xidmət edənlərin hətta öz millətinə qarşı da heç bir sevgi bəsləmədikləri açıq və aşkardır. Bunu tarix göstərmişdir),

5.  “Nehru-Qandi xənadanı” başlığı altında ölkənin yaxın siyasi tarixi,

6.  “Cənubi Asiyanın bölünmüş müsəlman cəmiyyəti" başlığı altında regionda olan müsəlmanların çox çətin vəziyyəti,

7.     “Hindistanın ABŞ və Çinlə əlaqələri” başlığı altında adı çəkilən ölkələrin bir-biri ilə münasibətlərinin dünyada necə balans yaratrdığı,

8.     “Köhnə və yeni Hindistan” başlığı altında inkişaf proqnozları,

9.    “21-ci əsrdə gözlənilən fürsət və çətinliklər” başlığı altında da bir növ Hindistanın SWOT analizi ilə tanış ola bilərsiz. 

Kitabözətini oxu/yüklə