İvan Rak - Qədim Misirin əfsanə, mif və nağılları

-
RUS: Иван Рак - В царстве пламенного Ра. Легенды, мифы и сказки Древнего Египта 

 "Qədim Misirin əfsanə, mif və nağılları" kitabı müəllif tərəfindən Misirin günümüzə qədər gəlib çıxmış mədəni irsinin toplanıb sistemləşdirilməsindən və bədii formaya salınmasından ibarət möhtəşəm topludur. Kitab vasitəsi ilə qədim sivilizasiyaların səsini bir daha eşitmək və yaratdıqları al-əlvan mənəvi aləmi bir daha görmək şansı əldə edirik.

İvan Rakın Misir mifologiyasına öz bədii şərhlərini əlavə edərək oxuculara təqdim etməsi, bizlərə də öz növbəsində fərqli üslubda yazılmış kitabla tanış olmaq imkanını təqdim edir. Bu məqam xüsusi olaraq vurğulanmalıdır, çünki müasir insanlar üçün qədim dövrlərin əfsanə, mif və ya nağıl olmasından asılı olmayaraq istənilən mətnləri və materialları anlamaq bacarıqları məhduddur. Qədim sivilizasiyaların özlərinə, yaşadıqları coğrafi məkana və göy cisimlərinə olan yanaşmaları çox fərqli olub. Onlar necə düşünüblər, bunun haqqında necə danışıblar, bax bütün bu məqamlar qədim cəmiyyətlərin mif, əfsanə və nağıllarında öz əksini tapır. Aradan keçən min illər bir-birimizi başa düşmək üçün süni maneələr yaratsa da, müasir insanlar və inkişaf edən elmimiz bizə bu məsələdə də yaxından yardım edir. Bir növ "Qədim Misirin əfsanə, mif və nağılları" kitabı da buna nümunədir. Müəllif addımbaşı orijinallara istinad edərək fironlar, qədim Misir allahları, heyvanlar, həyat və ölüm haqqında səhnələri dolğun və ideal əlaqələndirilmiş formadan təqdim edir. Oxuyarkən, sanki yaxşı yazılmış roman və ya bədii əsər oxuyursanmış kimi təəssüratlardan qaçmaq mümkün deyil. 


Misirin bəşəriyyətin beşiyi olduğunu deməyə lüzum görmürəm. Bu baxımdan bu kitabın və ümumən qədim Misir mifologiyasının metaforalarla zənginliyini, informasiya tutumluluğunu və milli, mədəni irsini necə özündə ehtiva etdiyini başa düşmək üçün bircə işarə yetərlidir. İntellektual insanlar adətən bunları yaxşı bilib, qədim sivilizasiyaların əfsanə və mifologiyalarına girişirlər. Təsadüfi deyil ki, Ziqmund Freyd Edip kompleksini yunan mifologiyasından götürüb. Müvafiq analogiyanın anlayan kimi hissələr də öz növbəsində birləşir və bütün mənzərə ortaya çıxır. Odur ki, əhəmiyyət və zərurət baxımından əlavə şərhə ehtiyac yoxdur.


Comments

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısıdır.
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ
Davamını oxu

Janrlar və mən

-
Image
        Drama və Tragediya: Bu janrda kitablar çox oxumasam da, oxumağı niyə məqbul görürəm: əvvəla belə janrda daha çox film izləmişəm. Xüsusiylə də yapon filmləri. Aralarında eləsi olub ki, sözün həqiqi mənasında mənə əməlli başlı təsir edib. Məsələn Kuklalar filmini izlədikdən sonra 3-4 gün hipnoz olunmuş kimi gəzmişəm. Bu vəziyyət yadımdan çıxmaz. Ailə və sevgi dramları janrı əslində öyrədicidirsə, olduqca lazımlıdır. Əlbəttə yazıçının ya da rejissorun ustalığından aslıdır ki, müxtəlif insan simalarını yaratdığı əsərdə ifadə edə bilsin. Drama və tragediyalar bizə izdirab çəkən insanları göstərir. Freud demişkən biz film, teatr və kitabların vasitəsiylə normal həyatda hiss edə bilmədikərimizi hiss edə bilirik. Bu da bizim kifayət qədər xoşumuza gəlir.
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu