Nitsşe Ağlayanda - When Nietzche Wept

Hərgah ki, Nitsşe bir çox sahədə peyğəmbər olsa da, şəxsiyyətlərarası münasibətlərdə mütəxəssis deyildi.  Yəni dünyada ondan da yalnız insan olub? – İrvin Yalom – Eşqdən müalicə

Süjet – İrvin Yalomun eyniadlı əsərinin ekranizasiyası, 19-cu əsr psixoanalizin doğulmaq ərəfəsində olduğu intellektual Vyana cəmiyyətini nümayiş etdirir. Filmdə Josef Breur, Fridirix Nitsşe, Lu Salome və Ziqmund Freyd kimi şəxsiyyətlər iştirak edir. Onların bir-biriləriylə münasibətini, insan yalnızlığını, insan psixologiyasının fövqəladəliliyini göstərən bir film. Filmin şüarı: We Are More In Love With Desire Than The Desired

Resenziyam – Təəssüflər olsun ki, mən bu hadisələr haqqında ensiklopedik və ətraflı məlumat sahibi deyiləm. Ona görə də filmdə nəyin doğru, nəyinsə uydurma olduğunu deyə bilmərəm. Filmin olduqca zəif və çatışmazlıqlarla olan çəkilişinə baxmayaraq, adı çəkilən şəxsiyyətlərdən bəhs etməsi izləyiciyə kifayət qədər zövq verir. Bu filmin mənim üçün əhəmiyyəti nə oldu sualına belə cavab vermək istərdim ki, biz görmədiyimiz, sadəcə eşitdiyimiz hadisələri yaxşı anlaya bilmərik. Adı çəkilən böyük şəxsiyyətlərin roman əsasında çəkilmiş film vasitəsiylə olsa da işıqlandırılması şəxsən mənim üçün onların yaradıcıllığını daha yaxşı başa düşməyə kömək oldu və olacaq.

Filmdə təsvir olunan problemlərin universallığı bizə göstərir ki, insan hissləri, psixologiyası, davranışları və ideyaları ilə əlaqədar olan problemlər heç bir coğrafi məkana və zamana tabe olmur. Niyə biz müəyyən yerə qədər gəlib daha sonra ondan imtina edirik. Buna imtina da deməzdim. Daha çox yalnış etdiyini anlamaq, boşluğa, heçliyə düşmək və çıxış yolu axtarmaq və hardasa kiminsə səni gözlədiyini və səni sevdiyini düşünmək. Nitsşe və Freyd kimi şəxsiyyətlər haqqında azdan çoxdan məlumat sahibi olanlar onların hansı mürəkkəb proseslərdən keçdiklərini də yəqin edərlər. Odur ki, film də mürəkkəb alınıb. Sadəcə çəkilişi yaxşı deyil. Bu motivli filmlərdə ehtiyatlı olmaq lazımdır. Çünki bu filmlər qeyd etdiyim kimi bəzi məqamları işıqlandırıcı xüsusiyyətə malikdir və hardasa nəyinsə çatışmaması yaxşı olmayan nəticələrə səbəb olar. Odur ki, böyük həvəslə və istəklə olmasa da, yenə də filmi məsləhət görürəm və haqqında yazmağa da vaxt ayırıram. Maraqlananlar buyurub izləyə bilər.