Glengarry Glen Ross - Amerikalılar
Sat ya da satılmış ol!!
David Memetin məşhur teatr pyesi əsasında çəkilmiş olan bir film. Film
adətən bizə göstərilən kimsəsiz adada, meşədə yox, adicə ofisdə sağ qalmaq
haqqındadır. Ancaq ki, bu ofisdə də sağ qalmaq kimsəsiz ada və meşədə sağ
qalmaqdan heç də fərqli deyil. Uğurun, uğursuzluğun, eqoizmin, rəqabətin insanı
necə dəyişdirdiyinin şahidi olmaq üçün bu film əla fürsətdi. Sizi inandırıram
ki, filmi izlədikdən sonra siz satış işlərinə gedib gedməyəcəyiniz haqqında
düşünməyə başlayacaqsınız (məni doğru başa düşün. Satış işinin yaxşı ya da pis
olduğunu nəzərdə tutmuram. Olduqca güclü şəxsiyyət tələb etdiyini əminliklə
vurğulayıram). Satış işində işləməsəm də mənlik olmadığını bilirəm və bu film
bunu mənə bir daha göstərdi. Mövzusu etibariylə belə realistik film izləməmişdim.
Bilirsiz nəyi xatırladım? Mən uşaq olanda atam o vaxtlar polis işləyirdi və məni
hərdən iş yerinə aparardı. Kənarda oturub böyük əmilərin necə işlədiyini seyr
edərdim. İndi də bu filmi izləyəndə sanki kənarda oturmuş balaca uşaq idim və “əmi”lərin
işləməyini izləyirdim. Çox şey öyrəndim bu filmdən. Heç film də adlandırmaq istəməzdim
bu ekran əsərini. Filmi izlədikdən sonra sadəcə satış işinə gedib getməmək
haqqında yox eyni zamanda Amerikan iş həyatı, əxlaqı haqqında da düşünürsən. Daha
sonra öz ölkəmdəki iş həyatı haqqında da fikirləşdim. Filmdə iş yoldaşlarının
bir-birilərinə qarşı olan münasibətini mən vəhşi heyvanlardan fərqləndirməzdim.
Biz şərq insanları belə deyilik. İş yoldaşımız bizə artıq əskik bir şey desə ən azından qanlı dava düşər. Məgər
Amerikada belə deyilmiş (hərgah bu dərəcədə olmağına da bir az şübhə edirəm). Aktyor performnası cəhətdən mükəmməllik hökm sürdüyünü
deyə bilərəm: Al Paçino, Alek Bouldvin, Cek Lemmon, Ed Harris.
Comments
Post a Comment