Lewis Perdue - Kusursuz Katil - Perfect Killer

Kitabı əsas adına görə bəyəndim. Həmişə dediyim fikri yenə də təkrarlamaq istəyirəm: bir romanda bir neçə janrın kəsişməsindən və maraqlı, elmi, intelektual məlumatların olmasını çox sevirəm. Bu romandan da bunu gözləyirdim halbuki oxuduqdan sonra sadəcə söz yığını olduğunu, vaxtına dəyər verən insanlara qəti məsləhət görmədiyim roman statusunu qazandı. Romanda tibb, kvant fizikası, biokimya, hərbi sahə və insan davranışlarına aid yaxşı məlumatlar olsa da bu romanı maraqlı və gözləntilərə cavab verən etmir. Yenə də roman insanı bəşər tarixinin ən vacib termini olan müharibə terminin təkamülünə diqqət etməyə dəvət edir. Bəli. Müharibələr formasını dəyişir və getdikcə daha da qəddarlaşır. Bu özünü sadəcə döyüş bölgəsində deyil, eyni zamanda sivil həyatda da göstərir, izlər qoyur. Mövzu genişdir və yaxşı söhbət mövzusudur. Aşağıda romanın bəyəndiyim və bəyənmədiyim cəhətlətini bəndlər formasında izah edirəm:

Bəyənmədiyim cəhətlər:

1)    Qeyri-orijinal (banal) süjet xətti. Yeni heç bir şey öyrənmirsən. Çox yox, ordu, gizli agentlər və dünyanı xilas edən qəhrəmnalara aid üç-dörd Amerikan filmi izləmisiz isə bu kitab sizə darıxdırıcı və vaxt itkisi gələcək. Sadəcə romanın sonunda klassik fizikanın yanıldığını və ordulara kimyəvi dərmnanların tətbiqinin cəmiyyət üçün nə ilə nəticələcəyini izah edən qisim yaxşı oldu.

2)    Dedektiv, psixoloji, qorxu, elmi-fantastik romanlarda bədii cümlələrin azlığı mənim üçün o əsəri sevməməyim üçün əsas ola bilər. Qaldı ki, bu romana burda da ifrad dərəcədə olmasa da söz oyunundan, kitabı qalın etməkdən başqa bir şey deyil.

3)    Romanda baş qəhrəman olan doktor Stonun başına gələn hadisələr arasındakı əlaqələr də xoşuma gəlmədi. Çox sürətli və anlaşılması çətindi.

4)    Romanda müxtəlif elm sahələrinə aid verilən bilgilərin anlaşılması çətindir.

Bəyəndiyim cəhətlər:

1)    Tərcümə yaxşıdı. Elmi məlumatları saymasaq romanın ümumi cümlələrinə heç deməzsən ki, tərcümədir.

2)    Kitabın sonunda yuxarıda da qeyd etdiyim kimi elmi məqamlara toxunularaq elmi məlumatlar verilib. Məsələn: klassik fizikanın yanılqısı, maddə və enerjinin bir-birindən ayrılmazlığı və bu günə qədər insanların yalnış düşünməyi və bio-kimyadan istifadə edərək insanı dəyərlərin yox edilməsi.

3)    Romanın baş qəhrəmanını - Dr. Brad Stone - bəyəndim əslində. Onun şəxsiyyəti və başına gələnlər diqqətə layiqdir.