The Man From Nowhere
Lori dildə desək: “davalı film”ləri
sevmirəm. The Matrix seriyasından olan üç hissəli film də “davalı” film olsa da
onun maraqlı fəlsəfi ideyaları var. Ona görə o istisnadır. Bu istisnalar da həmişə
işi korlayırlar. : ) Bu yaxınlarda “çoxdandı yapon filmləri izləmirəm” deyə
fikirləşib bilgisayarda olan bəzi yapon filmlərini izlədim. Bloqumun daimi izləyicisi
isən, əsasən yapon drama, melodrama, faciə, romantik və müxtəlif janrda
(fantastik, elmi-fantastik, romantik və s.) animelərin həvəskarı olduğumu yəqin
ki bilirsən. Di gəl ki, bu dəfə “davalı” film izlədim. Film digər “davalı”
filmlərdən fərqlənir. İlk epizodlardan bunu rahatlıqla hiss etdim. Qaranlıq, kədərli
keçmişi olan, asosyal birisinin gözdən uzaq yerdə “maskerovka” işdə işləyərək həyatını
sürdürməsində çox böyük fərqlilik yoxdur. Filmin ilk dəqiqələri belə olsa da
sonrasında olduqca maraqlı məqamlar əmələ gəldi. Süjet xəttini bura yaza bilməsəm də, narkotik, orqan
alveri, bir sözlə yapon mafiyasının hansı işlərlə məşğul olduğu yaxşı təsvir
olunub. Filmin İMDb qiyməti də yüksəkdir – 7.9dur. Qonşusu olan balaca
qızcığazı xilas etmək üçün qəhrəmanımız özünü əməlli başlı oda – suya vurur. Filmin sonu olduqca diqqətimi cəlb etdi. Yəni hər şey gözləniləndən fərqli
oldu. Bəli film “həppi endinq”li olsa da baxdığım bu tipli filmlər arasında
xoşbəxt sonluğa layiq olanlardan hesab edirəm. Film bəziləri üçün çox
şişirdilmiş kimi gələ bilər amma məncə qəhrəmanın açıqlanan keçmişinə əsasən
onun təkbaşına böyük adamlarla mübarizəyə girişməsi normal
qarşılanmalıdır. Baş rolun şəxsiyyət
analizi sadədir. Psixolojik travmalı, asosyal, xüsusi şəraitdə yetişdirilmiş, qəlbindəki
sevgi uzun müddətli fasilədən sonra bir daha özünü göstərən keçmiş əsgər.
Filmdən sitatlar:
Əgər səndən də nifrət etsəm dünyada daha sevəcəyim heç kim qalmaz.
" Siz sabah üçün yaşayırsız elə deyilmi? Sabah üçün yaşayanın bu gün yaşayan qarşısında heç bir şansı yoxdu. Mən sadəcə bu gün üçün yaşayıram və bunu necə qorxunc şey olduğunu indi sizə göstərəcəm!! "
Bəzən insan birinə yaxın olmaq üçün ondan uzaqlaşmalıdır. Niyə? Mən də bilmirəm
" Siz sabah üçün yaşayırsız elə deyilmi? Sabah üçün yaşayanın bu gün yaşayan qarşısında heç bir şansı yoxdu. Mən sadəcə bu gün üçün yaşayıram və bunu necə qorxunc şey olduğunu indi sizə göstərəcəm!! "
Bəzən insan birinə yaxın olmaq üçün ondan uzaqlaşmalıdır. Niyə? Mən də bilmirəm
P.S. Filmdə belə bir şey deyildi
ki, bəs baş qəhrəman orduda xüsusi qəddarlığı ilə seçilən dəstədə olub və fəaliyyət
göstərib. Bu haqda az-çox eşitmişəm və məncə bizim orduda da xüsusi qəddarlıqla
seçilən dəstələr yaradılmalıdır (bəlkə də var). Sülh yaratmaq üçün qəddarlıq
vacibdir.
Comments
Post a Comment