Yes Man

-

Bu yaxınlarda Yes Man filminə baxdım. Jim Kerrinin iştirak etdiyi bütün filmləri sevirəm. Filmin süjet xətti mənə bəzi şeyləri öyrətdi. Açığı deyim filmdən öyrəndiklərimi hətta tətbiq də etdim. Film həyatı monoton, darıxdırıcı, ətrafına qapalı, fürsətlərdən qaçan, sadəcə evdən işə, işdən evə getməklə məşğul olan bir standart Amerikan insanı haqqındadır. Qəlbinin dərinliklərində o da bu vəziyyətdən məmnun deyil. Çıxış yolunu bilmir sadəcə. Elə insanlar var ki onlar yox deyə bilmir, elələri də var ki, hə deyə bilmir. Hər ikisində də insan müxtəlif problemlərlə rastlaşır. İdeal olan hər ikisini bacarmaq və hər ikisini lazımınca istifadə etməkdir.
Film sanki təcrübə xarakterlidir. Bir insan qarşısında çıxan bütün təkliflərə “ HƏ ” deyərsə nə olar?  Bu sualın cavabı axtarılır. Çox dərin məna və məqsəd axtarmaq lazım deyil. Filmin baş qəhramanının adı Karldır və o  təsadüfən bir dostunun təklifi üzərinə “Hə demək” seminarına qatılır. Seminarı verən Karlın həyatını əzbərdən deyir və Karl həm təəccüblənir həm də kədərlənir. Əslində təəcüblənməli bir şey yoxdur. Bir çox insanın həyatı belə keçir. Bir çox deyərkən böyük əksəriyyət də deyərdim. Sadəcə həyata rəng qatmaq üçün qarşımıza çıxan bəzi təklif və fürsətlərə hə desək hər şey daha fərqli olar bilər. Dedim ki, özüm də tətbiq etməyə başladım. Qarşıma çıxan bəzi mütmmadi təkliflər olurdu və mən də həmişə yox deyirdim. Bu dəfə hə dedim və həqiqətən də fərqli (müsbət mənada) nəticələrə aldığımı gördüm. Film əlbəttə şişirdilib. Bütün təkliflərə hə deyərkən həm sevdiyi qızla həm də digər problemlərlə qarşılaşır.
Hər şeyə hə demək nə dərəcədə ağlabatandır? Sadəcə süjet xətti etibarıyla bəzi şeyləri göstərir və Karlın vəziyyətində olan insanlar üçün məncə faydalıdır. Nə qədər də şişirdilsə də məncə həyatda hər şeyə yox hər şeyə hə demək mümkün deyil. Sadəcə ağlımız və intuisiyamızla hərəkət etməliyik. İqtisadiyyatın on prinsipindən olan “İnsanlar seçimlərlə qarşılarşır” və “Bir şeyin dəyəri onun üçün imtina etdiklərimizlə ölçülür” prinsiplərini bu filmə də tətbiq etmək olar. Nəticə olaraq özümüzü çevrəmizə, dostlarımıza, ailəmizə qapamamaq və hə demək lazım olanda hə, yox demək lazım olanda yox deməyi bacarmalıyıq. Bunun əksi olarsa beynimizdə olan mexanizm pozular və lazımsız nəticələrə səbəb olar.
Digər yazılarım: burada

Comments

  1. Unknown18 February 2013 at 01:30

    Filme baxmisham eladi )

    ReplyDelete
  2. Unknown19 July 2013 at 21:16

    Sizinlə razıyam.Film bir qədər şişirdilsəd ə adı üstüdə filmdir.Amma filmin əsas süjet xətti olan "Hə deməyi bacar" fikri tətbiq edilməyə layiqdir.Ən azından qarşımıza çıxan fürsətləri hə deyərək dəyərləndirə bilərik...Hətta bizə primitiv görünən,məsələn telefonumuza hansısa operatorlardan gələn sms təklifi və ya nəqliyyat vasitələrində qarşımıza çıxan hansısa kurslar və s bu kimi təklifləri də Karl kimi dəyərləndirib həyatımıza hansısa rənglər qatmaq olar..Kim bilir,bəlkə də həmin təkliflərdə həyatımızı kökündən dəyişəcək nələrsə var..Bir sözlə sadə süjet xəttinə malik olan bu film seyredilməli və tətbiqedilməli bir filmdir..

    ReplyDelete

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısıdır.
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ
Davamını oxu

Aleksandr Puşkin - Kapitan qızı

-
Image
RUS: Александр Пушкин - Капитанская дочка Dünyagörüşü normal səviyyədə olan hər bir insana Aleksandr Serqeyiviç Puşkinin kimliyi və yaradıcıllığı hələ orta məktəb illərindən bəlli olmalıdır. Hər bir insan onun dəst-xəttində ona yaxın olan şeyləri görməyi bacarır: kimlərsə macəra, kimlərsə estetik dil bacarıqlarını, kimlərsə də sadə və səmimi bədii ədəbiyyat parçası görür. Hər bir halda Puşkinin oxucuları mənən elə zənginləşirlər ki, bir daha əvvəlki insan olmurlar. Bu onun bir şair və yaradıcı insan kimi böyüklüyünü və təkrarsızlığını sübut edir. 
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu