Qiraətçi - The Reader - Чтец
Qiraətçi
öz sadəliyi və realistikliyi ilə digər bütün sevgi hekayələrindən fərqlidir. Bizim
seçimlərimiz,
səhvlərimiz və səthi olaraq başa düşdüyümüz məsələlər haqqında olan bir film. Filmi
izləsəz onu rahatlıqla bir neçə hissəyə bölə biləcəksiz. Filmin əsas hissəsi
haqqında söz demək çətindir. Çünki bu hissə bəşəriyyətin inkişafa gedən yolunda
ağır və ağrılı mövzularındandır. Nəinki mən, ümumiyyətlə böyük əksəriyyət bu
mövzuda kimin haqqlı kimin haqsız olduğunu deməyə obyektivliyi çatmaz. Filmin əsas
hissəsində sadəcə qlobal mövzunu deyil, eyni zamanda əsərin baş qəhrəmanı Hanna
Şmitzin çox güclü şəxsiyyət olduğunu kəşf edirik. Güclü və sirli. Qəddar, qəribə,
bədbəxt və tənha. Biz başa düşürük ki, bildiyini demək necə də vacib, necə də
tale dəyişdirən, həlledici bir şeydir. Gördüyümüz kimi film bizi düşünməyə
vadar edir (filmin ilk dəqiqələrini çıxmaq şərtilə. Bəlkə də çıxmamaq şərtilə).
Yetkin
Mixayıl keçmişi ilə yaşayan birisinə çevrilir. Keçmişi ilə yaşayan. Bəzən bu
anlayışla zəngin filmlər və kitablar mənə o qədər doğma gəlir ki...
Hanna
isə illər keçdikcə sanki uşaqlaşır, lakin həyatındakı ən böyük utancını "köhnə
dostu" sayəsində aradan qaldırır. Filmi izlədikdən sonra öz-özümə sual
verməyə bilmirdim ki, axı niyə o vaxtında müdaxilə etmədi? Niyə qorxdu? və s.
Filmi drama hesab etmirəm. Film
tragediyadır. İzlədikdən sonra izləyicidə qarışıq hisslər yaradır. Sadəcə filmi
özümüzə tətbiq etməyi bacarmalıyıq.
Comments
Post a Comment