Dumandakı kirpi - Ёжик в тумане (2-ci hissə)

-
 1-ci hissəni oxumaq üçün: TIKLA
Cizgi filminin əsas obrazı olan kirpi insanı simvolizə edir. O, dostu aynın yanına gedərək eyni zamanda həyat yoluna başlayır. Ayıya onu, bunu necə deyəcəyini planlaşdırır. Bu insanın gələcək haqqında olan təsəvvürləridir. Budur o, gedir və ağ at görür. At isə arzu və muradı simvolizə edir. O, atı görür və arzulamağa başlayır, amma arzuya çatmaq üçün gərək dumana daxil olasan. Duman qeyri-müəyyənliyi göstərir. Kirpi, yəni insan, sirli, qeyri-müəyyən və yad dünyaya daxil olur. Bu zaman kirpiyə də, izləyiciyə də aydın olmayan qorxulu və nəhəng varlıqlar kirpini qorxudurlar. Bizi həmişə kimlərsə, nələrsə qorxutmağa çalışır. Bir şeyi unutmamaq lazımdır. Bu şey dünyanın əsas iş prinsipidir:  heç vaxt qorxuya icazə verməməliyik ki, bizim üzərimizdə hökmranlıq etsin. Yoxsa o, cizgi filmində olduğu kimi böyüb böyüyüb fil böyüklüyündə olacaqdır. Bu isə bizi arzularımızdan uzaqlaşdıracaqdır. Və yolnan gedərkən o, dostu ayıya apardığı mürəbbəni itirir. Biz həmişə bu həyat yolunda nə isə itiririk: valideynlərimizi, dostlarımızı, sevgimizi və s. Əlbəttə həyatda bizə kömək edənlər də olur. Bu da cizgi filmində bir it oldu. Kirpinin itirdiyini ona geri verdi və daha sonra sahibinin çağırışı ilə geri getdi. Əksəriyyətimiz həyatda qorxduqdan və bir çox uğursuzluqlara məruz qaldıqdan sonra, kirpinin çaya düşərək “qoy gedəcəyim yerə məni çay özü aparsın” fikri ilə yaşayarq, həyat çayında sakitcə gözləyirik. Kirpi, atın yanından çay axını ilə üzür. Bir qədər üzdükdən sonra kirpiyə “birisi” kömək edir ki, kirpi sahilə çıxsın. Həyatımızda da biz bir müddət üzdükdən sonra qarşımıza bizi monoton həyatdan və mənasızlıqdan xilas edəcək birisi qarşımıza çıxır. Daha sonra kirpi sahilə çıxır və isti, rahat guşədə, dostu ayının yanında dincəlir. Biz də həyat çayında bir müddət üzdükdən sonra, bizə yardım edildikdən sonra bizə təsəlli verən nə iləsə qarşılaşırıq. Kirpi at haqqında düşünməkdən vaz geçmir. İnsan da ömrünün axrına qədər əldə edə bilmədikləri haqqında düşünür. Sonda isə budur kirpi, “görəsən dumandakı at necədir?” düşüncəsiylə, dostuyla birlikdə oturub ulduzları saymağa davam edir. Ayı demişkən: “ Axı kim səndən başqa ulduzları sayacaq??”

2-ci hissənin sonu

Digər yazılarımı oxumaq üçün: Əsas səhifə  

Comments

Post a Comment

Popular posts from this blog

Kerol S. Duek - Düşüncə tərzi: uğurun yeni psixologiyası

-
Image
Carol S. Dweck - Mindset: The New Psychology of Success Кэрол Дуэк - Гибкое сознание: новый взгляд на психологию развития взрослых и детей Dünya şöhrətli Stenford Universitetinin psixoloqu Kerol Duek, uzun illərin araşdırmalarından sonra düşüncə tərzinin həqiqi gücünü bir daha kəşf etdi. Duek uğurun sadəcə istedad və bacarıqlar vasitəsi ilə əldə edilmədiyini, eyni zamanda düzgün formalaşdırılmış düşüncə və yanaşma tərzindən olduqca asılı olduğunu sübut edir. Düzgün düşüncə tərzi ilə biz həm uşaqları, həm də yetkin insanları uğur qazanmağa motivasiya edə bilərik. Kerol əslində köhnə mövzulara toxunur, lakin daha müasir və təkmil üslubda izaha ehtiyac həmişə var. Valideynlər, müəllimlər, baş icraçı direktorlar, tələbələr, idmançılar və liderlər zaman zaman mütləq şəkildə düzgün düşüncə tərzində kənara çıxır və dəstəyə ehtiyac duyurlar. Artıq şübhə doğurmur ki, beynimizdə baş verən düzgün düşüncə tərzi adlı mental proses bizim həyatımızın bütün uğurlarının ən əsas təminatçısıdır.
Davamını oxu

Ziqmund Freyd - Yuxuların yozumu

-
Image
The Interpretation of Dreams by Sigmund Freud Ziqmund Freydin yuxuların şüuraltı istəklərin ifadə olunma tərzi olduğunu kəşf etməsi, şübhəsiz ki, psixologiya elmində inqilabi xarakterə malik oldu. Onun nəzəriyyəsinə əsasən yuxular altşüurun arzularını aşkara çıxaran vasitədir. Yuxuları başa düşmək insan üçün özünü tanımaq yolunda olduqca əhəmiyyətli vasitə ola bilər. Çünki yuxuda gördüyümüz hər bir xırdalığın, hər bir simvolun öz mənası var və yuxular bizim gələcəklə olan ən əsas əlaqəmizdir. Yuxular yaşadığımız digər ömürlərdir. Həm bizə verilən ismarıc, həm də ayrıca dünyadır. 
Davamını oxu

Corc Oruell - 1984

-
Image
Qısa xülasə: Uinston adlı bir şəxs, 1984-cü ildə, azadlığın olmadığı, despotik bir rejimin hökm sürdüyü (hansı ki, inqilabdan sonra, kapitalizmi əvəzləyərək qurulmuşdur) Okeyaniyada yaşayır. Hakimiyyət bütün partiya üzvlərini manqurtlaşdırır. Uinston isə hələ də azad düşünür. Azad düşünmək isə ən ağır cinayət - fikir cinayəti sayılır. Tezliklə özü kimi azad düşünən bir xanımı tapır və eşq macərası yaşayır. Bundan sonra isə onlar birlikdə partiyaya qarşı mübarizə aparmağa cəhd edirlər. Amma uğur qazana bilmirlər ( http://kitablarinelektronversiyasi.blogspot.com/ ) Görkəmli ingilis yazıçısı Corc Oruellin (1903-1950) yaradıcılığı dünya miqyasında məşhurdur. Xüsusilə onun “1984” romanı və “Heyvanıstan” povesti ötən yüzillikdə sözün, ədəbiyyatın totalitar təfəkkürə və despotik idarəçilik üsullarına qarşı mübarizəsinin ən diqqətəlayiq nümunələrindən sayılır. Hər iki əsər yarandığı vaxtdan ədəbi və siyasi fikrin diqqət mərkəzində olmuş, müxtəlif dillərə çevrilmiş və ciddi polemika doğ
Davamını oxu

Janrlar və mən

-
Image
        Drama və Tragediya: Bu janrda kitablar çox oxumasam da, oxumağı niyə məqbul görürəm: əvvəla belə janrda daha çox film izləmişəm. Xüsusiylə də yapon filmləri. Aralarında eləsi olub ki, sözün həqiqi mənasında mənə əməlli başlı təsir edib. Məsələn Kuklalar filmini izlədikdən sonra 3-4 gün hipnoz olunmuş kimi gəzmişəm. Bu vəziyyət yadımdan çıxmaz. Ailə və sevgi dramları janrı əslində öyrədicidirsə, olduqca lazımlıdır. Əlbəttə yazıçının ya da rejissorun ustalığından aslıdır ki, müxtəlif insan simalarını yaratdığı əsərdə ifadə edə bilsin. Drama və tragediyalar bizə izdirab çəkən insanları göstərir. Freud demişkən biz film, teatr və kitabların vasitəsiylə normal həyatda hiss edə bilmədikərimizi hiss edə bilirik. Bu da bizim kifayət qədər xoşumuza gəlir.
Davamını oxu

Kamal Abdulla - Sehrbazlar dərəsi

-
Image
Yazıçı Kamal Abdullanın 2006-cı ildə nəşr olunan “Sehrbazlar dərəsi” romanı oxucuların və ədəbiyyat tənqidçilərinin böyük marağına səbəb olub.  Mistik əhvalatların baş verdiyi roman paralel dünyalar arasındakı ahəngdən, atası Cəlladbaşını axtaran Karvanbaşının teleyin hökmü ilə Sehrbazlar  dərəsinə gəlib çıxmasından, burada ömr edən Ağ dərvişin və hər iki dünyada yaşayan Səyyah sehrbazın çağırdığı ruhla Karvanbaşının sonu faciəyələ bitən  sirli görüşündən bəhs edən mistk roman müxtəlif dillərdə və müxtəlif ölkələrdə çap edilməklə dünya oxucusunun da diqqətini çəkmişdir.  
Davamını oxu